1a Semana da Quaresma: Quinta-feira, dia 10, fulan Março, 2022 March 10, 2022
Reflection on the WORD
Maluk sira mak Kristu hadomi,
Na’i nia domin ne’ebé rohan laek. Iha evangelho ohin nian, Jesus dehan ba nia discípulo sira katak Na’i sei la failha atu haraik mai ita buat saida mak ita husu, ita buka no ita presiza. Mai ita reflete: “ita experiência ona domin kompasivu Na’i nian loro-loron? no consciente katak Na’i kontinua fó perdaun ba ita, no responde ita nia harohan no tau matan ba ita nia nesesidade sira iha tempo tomak?
Fr Philip Heng,S.J.
Mt 7:7-12
Jesus lia tun ba nia discipulo sira: 7“Husu ba, imi sei simu; buka ba, imi sei hetan: tuku odamatan ba, odamatan sei nakloke ba imi. 8Basa ema ne’ebé husu sei simu; ema ne’ebé buka sei hetan; no ba ema ne’ebé baku odamatan, odamatan sei nakloke ba nia. 9Imi ida ne’ebé, wainhira nia oan husu paun, sei fo fatuk ba nia? 10Ka, wainhira husu ikan, sei fo samea ida ba nia? 11Ne'e duni, imi sira ne’ebé aat hatene fo buat diak ba imi nia oan sira, liu tan mak imi nia Aman iha lalehan sei la fo buat diak ba sira ne’ebé husu ba Nia!”
12“Ne'e duni, buat hotu ne’ebé imi hakarak ema halo ba imi, imi mos halo ba sira; basa ne'e mak ukunfuan no Profeta sira.”
Today's Pointers on God's Word
As you read the passage what words, phases or meanings caught your attention?
- Jesus hanorin ita oinsa atu reza ho confiansa. Nia lia tun ba ita katak ita iha Aman lalehan ida ne’ebé gratuitamente responde nafatin ba ita nia orasaun sira hotu la hanesan saida mak ita espera.
- Atu nune’e ita be hakbesik ba ita nia Aman Lalehan ho fiar metin liu tan, tanba iha ninia laran luak no domin ba ita, Nia nafatin responde ba orasaun sira, maibé iha nia Sabedoria fó ba ita buat sira ne’ebé diak liu.
- Jesus mós hein katak ita reza ba buat diak sira iha ita nia moris. Ita presiza atu respeitu no hadomi ema hotu; inklui ema sira ne’ebé la hamutuk ho ita, hakanek ita no haré moris ho vizaun diferente ho ita. Husu grasa ba Na’i atu sai ema ne’ebé domin nain no loke-an ba ema seluk.