DGEMs

Maluk sira mak Kristu hadomi,

Julgamentu - Fiar: Iha evangelho ohin nian, Jesus proclama katak, atu hetan salvasaun rohan laek nian, ita presiza moris tuir Aman nia hakarak liu husi hatudu domin no kompaixaun ba ema ne’ebé moras, mate, sofre no sala nain sira. Mai ita reflete: “se ita mate iha loron ohin, ita nia relato bele dehan katak ita moris tuir duni Aman nia hakarak lolos ou ita la tau matan ba ema sira ne’ebé mukit?”

Fr Philip Heng,S.J. 

31“Wainhira Oan Mane mai iha nia gloria no nia  anju sira hotu hamutuk ho Nia, Nia sei tur iha nia kadunan gloria nian. 32Povu hotu sei halibur an iha nia oin. Nia sei haketak ema sira hanesan bibi atan haketak bibi malae housi bibi Timor. 34Tuir mai, liurai sei dehan ba sira ne’ebé iha nia sorin kuana: ‘Mai, imi ne’ebé Ha’u Aman fo bensa, mai simu nudar liman rohan reinu ne’ebé hadia tiha ba imi houri mundu hahu. 35Basa Ha’u hamlaha, imi fo han Ha’u; Ha’u hamrook, imi fo hemu Ha’u; Ha’u la’o rai, imi simu Ha’u; 36Ha’u isin tanan, imi fo hatais Ha’u; Ha’u moras, imi ba hare Ha’u; Ha’u iha dadur laran, imi ba hare Ha’u.’ 37Iha oras ne’e ema diak sira sei hatan ba Nia: ‘Na’i, wainhira los mak ami hare Ita Boot hamlaha, ami fo han; hamrook, ami fo hemu? 38Wainhira los mak ami hare Ita Boot la’o rai, ami simu; eh ho isin tanan, ami fo hatais? 39Wainhira los mak ami hare Ita moras eh iha dadur laran, ami ba hare Ita?’ 40Liurai sei hatan ba sira: ‘Tebes, Ha’u dehan ba imi: wainhira imi halo buat ne’e ba ha’u nia alin kiik sira ne’e ida, imi halo mai Ha’u rasik.”