Ord, Semana 8, Domingo, dia 27, fulan Fevereiro, 2022 February 27, 2022
Reflection on the WORD
Maluk sira mak Kristu hadomi,
Ita nia-an lolos - Fiar:Iha Evangelho ohin nian, Jesus fó hanoin ba nia apóstolu sira atu konsienteliu tan kona-ba sira nia-an lolos, tamba ema hotu ne’e sala nain. Reflete, “Ita iha tendênsia ida atu sai krítiko no negativu iha ita nia julgamentu ba ema seluk wainhira ita rasik mós halo salan ne’ebé boot liu”. Reza ba grasa Na’i Maromak nian atu sai hanesan Kristu liu tan.
Fr Philip Heng, S.J.
Lk 6:39-42
Hare uluk o nia an
39Nia dehan tan aiknanoik ida ne’e ba sira: “Ema matan delek ida bele hatudu dalan ba ema matan delek seluk? Sira na’in rua la monu hotu iha kuak laran? 40Eskolante ida la bele sai boot liu fali nia mestre, basa eskolante diak sei halo hanesan nia mestre. 41Tan sa o hare ai rahun iha o nia maun eh alin nia matan, maibe la hare ai kabelak iha o nia matan rasik? 42Oin sa o bele dehan ba o nia maun eh alin: ‘Maun eh alin, husik ha’u hasai ai rahun housi o nia matan, maibe o la hare ai kabelak iha o nia matan rasik? Laran makerek! Hasai uluk lai ai kabelak housi o nia matan, hafoin o sei bele hare mo-mos atu hasai ai rahun housi o nia maun eh alin nia matan.”
Today's Pointers on God's Word
As you read the passage what words, phases or meanings caught your attention?
- Jesus nia aiknanoik kona-bá ema ida iha ai-kabelak iha nia matan maibé nia koko atu hasai ai-rohan husi ema seluk nia matan. Ne’e fó hanoin mai ita katak ita mós iha sala boot liu fali ema ne’ebé ita krítika.
- Sente ita maka lós hela de’it mak hanesan sala ida ne’ebé susar tebes atu evita tamba ita tenta atu julga ema seluk nia sala maibé matan delek ba ita nia sala rasik.
- Reza ba grasa haraik-an nian atu simu ita nia sala rasik no koko atu haré buat diak iha ema seluk. Koko atu hatudu kompaixaun ba ema sira ne’ebé halo sala hasouru ita.