Ord, Semana 6, Sábado, dia 19, fulan Fevereiro, 2022 February 19, 2022

Reflection on the WORD

Maluk sira mak Kristu hadomi,

Transfigurasaun: Iha Evangelho ohin nian, Jesus revela Nia Divinidade hanesan Na’i Maromak nia Oan liu-husi transfigurasaun na ninia-An. Apostolu Pedru, Tiagu no João ne’ebé  Nia hili espesialmente ba revelasaun ida ne’e. Reflete, “Oinsá Maromak especialmente hili atu toka ita nia fuan iha situasaun ruma iha ita nia moris? Agradese Maromak ba sira buat ne’e hotu.

Fr Philip Heng, S.J. 

Mc 9:2-9

 Jesus nakfila An

               2Liu tiha loron ne'en, Jesus lori Pedru, Tiago no Joao mesa-mesak ba foho aas ida. Nia nakfila An iha sira nia oin. 3Nia hena sira sai nabilan liu, mutin teb-tebes; ema fase roupa ida iha rai ne'e la bele halo mutin liu tan. 4Hafoin Moises no Elias mosu ba sira hodi koalia ho Jesus. 5Pedru koalia dehan ba Jesus: “Mestre, diak tebes mai ami horik ona iha ne'e! Ami halo takabaluk tolu; ida ba Ita, ida ba Moises no ida ba Elias.” 6Basa nia la hatene atu dehan sa los, tan sira tauk teb-tebes. 7Kalohan ida tun mai, taka sira. Housi kalohan ne'e, sira rona lia ida dehan: “Ida ne'e mak Ha’u Oan doben. Imi rona Nia ba!” 8Teki-teki, sira hare ba sorin sorin maibe la hare tan ema ida; Jesus mesak deit ho sira. 9Tun dau-daun housi foho, Jesus haruka sira la bele haktuir ba ema ida buat nebe sira hare, molok Oan Mane moris hi’as housi mate.

Today's Pointers on God's Word

As you read the passage what words, phases or meanings caught your attention?

  • ·       Apostolu sira, Pedro, Tiago no João hetan bensaun tamba sira hetan oportunidade atu sai sasin ba Jesus nia transfigurasaun no sira haré rasik Jesus nia natureza divina.

  • ·       Esperiênsia espiritual ne’e, hanesan presente partikular ba sira tamba iha razaun divina balun ne’ebé Maromak iha ba sira.

  • ·       Ita ida-idak mós simu presente espiritual no bensaun oin-oin husi Maromak. Reflete kona-bá ita nia moris no husu ita nia-an, oinsá ita iha Maromak nia providensia revela iha ita nia moris liu husi bensaun sira ne’e no oinsá ita uza graça sira ne’e hodi ajuda ema seluk no dada sira hakbesik liu ba Maromak.