Ord, Semana 6, Kuarta-feira, dia 16, fulan Fevereiro, 2022 February 16, 2022

Reflection on the WORD

Maluk sira mak Kristu hadomi,

Kura-Fiar: Iha Evangelho ohin nian, Jesus kura ema matan delek partikularmente iha etapa rua. Reflete, “ Jesus hatudu ita Nia domin kompaisivo no laran luak iha maneira pessoal nian. Iha momentu balu Jesus iha Maromak nia providensia bele foti fulan no tinan barak antes ita esperiensia Nia kura kompleta. Mai ita konfia Jesus liu tan ho fuan tomak?

Fr Philip Heng, S.J.

Mc 8:22-26

Jesus halo ema matan delek hare

               22Sira to'o ba rai Betsaida. Ema lori ba Nia ema matan delek ida, hodi husu Nia atu tau liman ba nia. 23Kaer tiha ema matan delek ne'e nia liman, Nia lori nia ba knua nia liur, tafui ba ema ne'e nia matan hodi tau liman ba nia, hodi husu, “O hare buat ruma?” 24Ema ne'e, hateke ba leten, hatan: “Ha’u hare ema sira nudar aihun nebe la'o ba la'o mai.” 25Tuir mai Nia tau fali nia liman ba ema nia matan. Nia hare di-diak ona. Nia bele hare mo-mos buat hotu. 26Nia haruka ema ne'e ba uma hodi dehan: “Keta tama iha knua nia laran.” 

Today's Pointers on God's Word

As you read the passage what words, phases or meanings caught your attention?

  • ·       Ida ne’e mak milagre úniku ne’ebé hakerek iha sagrada escritura deskreve kona-ba Jesus kura ema kada etapa sira. Jesus sempre kura kedas no instantaneamente.

  • ·       Wainhira ema ida toman ona iha nakukun laran ne’ebé kleur, expozisaun ba naroman ne’ebé makas bele halo at nia matan. Matan, ne’ebé iha kostume iha nakukun laran, tenki gradualmente adapta ba naroman.

  • ·       Hanesan mós, sé ema ida ne’ebé ita hatene la moris iha dalan Maromak nian, e.x. imoralidade, la ba tan missa etc., ita sei presiza pasiensia, orasaun no sasin sarani nian no laran luak boot liu tan atu halo ne’e bele hakbesik liu tan ba dalan Maromak nian. Labele para, koko nafatin, Maromak sei presente no atu ajuda ita nafatin.