DGEMs

Maluk sira mak Kristu hadomi,

Jesus nia ministeriu públiku: Iha Evangelho ohin nian, Jesus nia ministeriu públiku revela katak Nia domin kompasivo ba ema hotu ne’e saudável no rohan laek. Nia proklama Liafuan Diak no fó han ba ema sira ne’ebé hamlaha, liu husi milagre paun. Reflete, “wainhira ita hadomi Jesus pessoalmente, ita sei esperiensia nia prezensa íntima no kuidadu loron-loron nian ba ita.

Fr Philip Heng, S.J. 

Jesus fo han ema rihun-hat”

            1Iha tempu neba, ema lubun boot ida halibur an. Sira aihan la iha. Tan ne'e, Jesus bolu nia eskolante sira hodi dehan ba sira, 2“Ha’u hanoin ema sira ne'e; sira hela ona ho Ha’u loron tolu no sira aihan la iha. 3Ha’u haruka sira ba uma ho kabun mamuk karik, sira sei monu iha dalan. Sira balun mai housi dook.” 4Eskolante sira hatan ba nia: “Iha fatin fuik ne'e, ema bele habosu sira ne'e hotu ho paun housi los nebe?” 5Nia husu ba sira, “Imi iha paun fuan hira?” “Hitu,” sira hatan. 6Nia haruka sira atu tur iha rai, kaer paun fuan hitu ne'e, fo agradese, silu hodi fo ba eskolante sira atu fahe. Sira fahe duni ba ema sira hotu. 7Iha mos ikan kiik balun. Nia fo bensa ba sira ne'e, no haruka atu fahe ba ema sira. 8Sira han to'o bosu. Sira halibur hamutuk paun rahun resin luhu hitu nakonu. 9Ema sira ne'e besik rihun haat. 10Nia haruka sira ba uma. Tuir mai, Nia sa'e kedas ro ida ho nia eskolante sira hodi la'o ba rai Dalmanuta.