Ord, Semana 5, Sesta-feira, dia 11, fulan Fevereiro, 2022 February 11, 2022

Reflection on the WORD

Maluk sira mak Kristu hadomi

Maromak nia Providensia: Iha Evangelho ohin nian, Jesus kura ema tilun diuk no mudo ho maneira privada atu labele atrai ema ida nia atensaun. Reflete: Maromak nia vontade no dalan sira laos ita ema nia vontade no maneira sira. Ita dalaruma la pasiensia, impulsivu no impressionável. Mai ita diserne liu tan hodi moris iha ita nia fiar.  

Fr Philip Heng, S.J. 

Mc 7:31-37

 “Jesus halo ema monok koalia”

            31Tuir mai, Jesus sai housi rai Tiro, hodi la'o housi rai Sidonia ba tasi Galileia, liu to'o baliza Dekapoli nian. 32Sira lori ba nia ema tilun diuk no monok, hodi husu Nia atu tau liman ba nia. 33Hadook tiha ema ne'e housi ema lubun boot, Jesus hatama nia limanfuan iha nia tilun, tafui hodi kona nia nanal, 34hafoin Nia foti matan ba lalehan, dada iis hodi dehan ba nia, “Effatha,” katak “Loke ba.” 35Ema ne'e nia tilun nakloke kedas, no buat nebe halo nia ibun tos sai tiha. Nia hahu koalia mo-mos. 36Jesus bandu sira atu la bele fo hatene buat ne’e, maibe liu Nia bandu sira, hetok sira fo hatene liu tan. 37Sira hakfodak hodi dehan: “Nia halo diak buat hotu; tilun diuk sira rona, monok sira mos koalia.”

Today's Pointers on God's Word

As you read the passage what words, phases or meanings caught your attention?

  • ·       Iha Evangelho ohin nian, ema tilun diuk ne’ebé hetan kura husi Jesus no ema barak nakonu ho admirasaun boot tebes ba Jesus tamba milagre ne’ebé Nia hatudu. Pois, sira komesa proklama no louva Jesus ba ema hot-hotu.

  • ·       Sé ita brani loke ita nia fuan atu hasouru Jesus, nia espíritu ne’ebé iha ona ita, sei haraik bensaun mai ita ho esperiênsia transformasaun ida iha ita nia moris.

  • ·       Jesus mós deseja atu kura ita no liberta ita husi difikuldade sira hotu ne’ebé prevene ita atu haklaken no adora Nia ba ema seluk, espesialmente ba ema sira ne’ebé sentí kanek no folin laiha. Ita lori ona ema ruma ba Jesus iha tempu sira ikus ne’e?