DGEMs

Maluk sira mak Kristu hadomi

“Excessiva no Impulsiva”: Iha Evangelho ohin nian, Herodiade nia oan feto mai dansa, no fó ksolok boot ba Herodes no nia promete atu fó nia buat hotu nia husu, até too nia reinu sorin. Reflete, “Wainhira ita moris excesivamente no impulsivamente, Ita klaramente la moris iha vida ne’ebé nakonu discernimentu no ho Evangelho Kristu nian.

Fr Philip Heng, S.J. 

18Basa Joao dehan ba Herodes, “Tuir ukunfuan, o la bele hola fali o nia alin nia kaben!” 19Herodiade laran moras teb-tebes hasouru nia hodi hakarak oho nia, maibe nia la bele, 20basa Herodes tauk Joao, nebe nia hatene nudar ema diak no santu ida. Herodes tau matan ba nia. Wainhira nia rona nia koalia, nia laran taridu barak, maibe nia haksolok atu rona nia.

21Tempu diak ida mosu mai wainhira Herodes halo tinan. Nia halo festa boot ida ba soldadu sira nia na’i ulun sira no mos ba ema boot sira rai Galileia nian. 22Wainhira Herodiade nia oan feto mai dansa,  nia fo ksolok boot ba Herodes ho nia maluk sira nebe tur iha meja. Tan ne'e, liurai dehan ba feto ne'e, “Husu buat naran deit nebe o hakarak, Ha’u sei fo ba o.” 23Nia dehan tan hodi jura, “Ha’u sei fo buat naran  deit  nebe o sei husu, maski ha’u nia reinu nia sorin balun ida.” 24Feto ne'e sai hodi husu nia inan, “Ha’u sei husu sa los?” Nia hatan, “Joao Baptista nia ulun.” 25Feto ne'e halai kedas ba liurai hodi hateten, “Ha’u hakarak katak ita boot fo mai ha’u, ohin kedas, Joao Baptista nia ulun iha bandeja ida.” 26Liurai laran susar teb-tebes tan nia juramento  no mos tamba nia maluk sira, nia lakohi la halo tuir nia. 27Nune’e, liurai haruka kedas soldadu ida atu  lori Joao nia ulun. Ema ne’e la’o ba hodi tesi Joao nia ulun iha dadur laran.