DGEMs

Maluk sira mak Kristu hadomi,

Maromak Fornese – Providênsia: iha Evangelho ohin, Jesus haklaken katak Maromak iha nia maneira "silencioso/nonok" sira mak sai hanesan fonte lolos ba bênsaun no kontente sira hotu iha ita nia moris tomak. Reflete: Ita presiza agradece Maromak domin nain ne'ebé sempre fornese no protéje ita ho nia Providência ou ita la valoriza Nia no ita sente katak bênsaun no sucesu sira ne’ebé ita hetan iha ita nia moris ne’e tamba ho ita nia esforsu rasik? 

Pe. Philip Heng, S.J.

Aiknanoik musan nia

            26Nia dehan mos, “Maromak nia reinu hanesan ne'e: Ema kuda musan iha rai. 27Kalan loron, nia toba ka hader, musan ne'e moris no sai boot; oin sa los, nia la hatene. 28Housi nia kbiit rasik, rai lori nia atu fo fuan: uluk dikin, hafoin fulin, no ikus mai trigu nebe tasak ona.29Wainhira trigu tasak ona, ema ne'e kaer tudik, basa tempu atu ko'a trigu to'o ona mai.” 30Nia dehan tan; “Ita sei usa ilas ida nebe atu hatudu Maromak nia reinu? Ho aiknanoik sa mak ita sei hatudu nia? 31Nia hanesan mustarda musan ida nebe wainhira ema kari iha rai mak kiik liu musan sira hotu iha  raiklaran, 32maibe kuda tiha, nia moris no sai boot liu hodi hatubun sanak bo-boot atu nune'e manu sira iha lalehan bele subar an iha nia mahon.”