SÃO PAULO, APÓSTOLU NIA KONVERSAUN: Ord, Semana 3, Tersa-Feira, dia 25, fulan Janeiro, 2022 January 25, 2022
Reflection on the WORD
Maluk sira mak Kristu hadomi,
Liafuan Diak – Haklaken: iha Evangelho ohin, Jesus fó missaun ba nia Apóstolu sira atu haklaken Liafuan Diak Salvasaun nian ba povo tomak. Reflete: “maneira ne'ebé efikaz liu atu haklaken Liafuan Diak mak sai hanesan Kristu iha ita nia vida no iha ita nia relasaun ho ema seluk, especialmente ita presiza hadia ita nia relasaun ho ita nia 'inimigos no sira ne'ebé ita ladun iha relasaun diak', no depois ita presiza fahe tempu no saida mak ita iha ho sira ne'ebé marginalizado iha ita nia sociedade."
Pe. Philip Heng, S.J.
Mark 16:15-18
15Nia dehan ba sira, “La’o ba mundu tomak ba, haklaken Liafuan Diak ba buat hot-hotu. 16Ema nebe fiar no simu baptismu sei hetan maksoin; maibe ema nebe la fiar sei hetan todan. 17Sinal sira nebe sei hela ho sira nebe fiar mak ne'e: hodi Ha’u nia naran sira sei duni sai diabu sira; sira sei koalia lia mesak foun oi-oin; 18sira sei kaer samea sira; sira hemu karik buat moruk no lanuk ruma, sira sei la hetan susar ida. Sira sei tau liman ba ema moras sira, no sira ne'e sei hetan isin diak fali.
Today's Pointers on God's Word
As you read the passage what words, phases or meanings caught your attention?
- Konversaun dramática husi São Paulo nian fó hanoin mai ita katak ho Maromak, laiha ema ida mak labele konverte no Maromak bele hili ema ruma ne’ebé ita sente la merese hodi sai Nia instrumentu haklaken Liafuan Diak Salvasaun nian.
- Wainhira São Paulo halo perseguisaun ba sira ne'ebé tuir Jesus, nia fiar metin katak nia moris iha lia los nia laran. Tan ne’e, Maromak hili no halo aksaun liu husi São Paulo basá nia iha paixaun hodi moris no haklaken Lia Los Maromak nian.
- Maske iha divisaun entre grupo sarani sira, ita kontinua harohan atu Espíritu Santu uza instrumentu oi-oin hodi harii metin sarani sira iha unidade no sai manu ain Kristu, ita nia Na’i no Salvador ho di’ak hodi bele sai sasin ba Kristu nia moris.