Ord, Semana 3, Domingo, dia 23, fulan Janeiro, 2022 January 23, 2022

Reflection on the WORD

Maluk sira mak Kristu hadomi,

Liafuan Diak Jesus nian: iha Evangelho ohin, Jesus fila ba ninia rai moris fatin, Nazaré, no Nia haklaken iha Sinagoga katak ‘Nia mak Ida ne'ebé textos bíblicos hakerek kona ba Nia ne'ebé Nia foin le’e’. Reflete; “wainhira Espiritu Maromak nian no Maromak nia Liafuan toka ita nia fuan, ita responde positivamente ho kontente ka ita rejeita no  ignora Lia los Maromak nian?"

Pe. Philip Heng, S.J.

Luke 4:14-21

Jesus hahu hanorin

            14Ho Espiritu Santu nia kbiit, Jesus fila fali ba Galileia; nia naran sai boot iha rai tomak. 15Nia hanorin iha sinagoga hotu; ema hot-hotu hahi Nia. 16Nia mai iha Nazare, iha nebe Nia sai boot. Tuir Nia lisan, Nia tama iha sinagoga iha loron Sabadu. Nia hamriik atu le’e. 17Sira fo ba Nia livru profeta Isaias nian. Loke tiha livru ne’e, Nia hetan fatin ida nebe hakerek nune’e: 18 “Na’i nia Espiritu iha Ha’u, basa Nia foti tiha Ha’u atu haklaken liafoun diak ba kiak sira;  19Nia haruka Ha’u atu haklaken maksoin ba dadur sira no halo matan delek sira hare; atu soi sira nebe ema hanehan, hodi haklaken Na’i nia tinan rahun kmanek nian.”

20Hafoin, taka tiha livru, Jesus fo fali nia ba knaar nain. Nia tur tiha. Ema hot-hotu iha sinagoga laran hateke ba Nia. 21Tuir mai, Nia hahu koalia ba sira dehan: “Ohin halo tuir los duni liafuan Eskritura nian nebe imi foin rona.”

Today's Pointers on God's Word

As you read the passage what words, phases or meanings caught your attention?

  • ·       Jesus dehan katak wainhira ita rona textu Eskritura, iha momentu ne’e mós textu ne’ebé ita rona daudaun kumpri ou akontese ona: Maromak nia Espíritu horik ho Ha’u basá Nia haruka ka ungiu ha'u atu haklaken Liafuan Diak ba sira ne'ebé kiak no marginalizado.

  • ·       Ita ajuda harii Maromak nia Reinu iha mundu ne’e wainhira ita, liu husi Espíritu Santu, liberta ema sira hotu ne'ebé kria ‘prizaun’ ba sira-an rasik hodi difikulta no hado’ok sira-an husi Liafuan Diak Salvasaun nian ne’ebé Jesus hanorin no hatudu ona mai ita.

  • ·       Ita sei sai “efetivu liu” wainhira ita husik Maromak nia Espíritu serbísu liu husi ita no ho ita hodi tau iha aksaun Liafuan Diak Salvasaun nian iha ita nia moris lor-loron. Ita harohan atu Maromak haraik grasa hodi ita bele moris tuir Nia dalan sira.