Ord, Semana 2, Terça-Feira, dia 18, fulan Janeiro, 2022 January 18, 2022
Reflection on the WORD
Maluk sira mak Kristu hadomi,
Jesus – ita nia Salvador: iha Evangelho ohin nian, Kristu, Jesus haklaken katak ita nia objetivu no sentidu moris nian mak moris tuir Jesus nia hanorin sira, ho dalan ida ne’e, ita bele hetan dom salvasaun eterna. Reflete: ita nia nesesidade no preokupasaun superfisial sira distrai ita no hases ita husi dalan lós Evangelho Jesus nian.
Pe. Philip Heng, S.J.
Mark 2:23-28
Kona ba Sabadu
23Loron Sabadu ida, Jesus, la'o iha to'os batar nian nia laran. Tuir dalan, Nia eskolante sira han batar musan. 24Fariseu sira dehan ba Nia: “Hare ba, tansa sira halo buat nebe la bele halo iha loron Sabadu?” 25Nia hatan, “Imi la le’e buat nebe David halo wainhira nia iha susar laran no hamlaha; nia ho nia emar sira? 26Oin sa nia tama iha Maromak nia uma, iha tempu amlulik boot Abiatar nian, hodi han paun nebe hasa'e tiha ona ba Maromak, paun nebe amlulik sira deit mak bele han? No mos nia fo paun ne'e ba sira nebe hela ho nia?” 27Nia dehan tan ba sira, “Maromak halo Sabadu ba ema nia diak, la'os ema ba Sabadu nian: 28tan ne'e, Oan Mane mak loron Sabadu mos nia Na'in.”
Today's Pointers on God's Word
As you read the passage what words, phases or meanings caught your attention?
-
· “Sábado ou Sabbath” mak loron ida ne’ebé tau ketak ona hodi adora Maromak no nia serbisu kriasaun nian, no nia aksaun salvasaun sira.
- Ita fó honra ba Maromak duni ou la’e liu husi ita nia hahalok ba maun-alin sira wainhira ita selebra Maromak nia loron? La halo aksaun misericórdia no la haklaken Maromak nia laran di’ak wainhira ema ruma presiza iha loron Sábado ou kualker momentu, ida ne’e la fó ksolok ba Maromak no la konsistente iha ita nia adorasaun ba Na’i.
- Reflete no haré fila fali ita nia maneira adora Maromak no ita nia hahalok ba ita nia maun-alin sira. Ezemplu: ita nia membru família, amigos, kolega serbisu, asistente uma laran, vizinho, nst. Ita tau matan ba sira ho misericórdia no laran di’ak hanesan Maromak halo ba ita?