DGEMs

Maluk sira mak Kristu hadomi,

Jesus – Realizasaun Projeto Maromak nian: iha Evangelho ohin, Jesus dehan katak Nia mak realiza promesa sira Antigo Testamento nian. Reflete: Maski Boa Notícia Salvasaun ne’e evidente loss iha ita nia moris, fiar na’in barak mak la fiar katak Jesus mak Salvador no Senhor iha sira nia maneira ka estilu moris nian. Ita sei preokupa hela ho mundu nia furak ka atrasaun sira ne'ebé okupa ita nia tempu, osan no energia.

Pe. Philip Heng, S.J.

Kona ba hadera an

            18Loron ida, wainhira  Joao nia eskolante sira no fariseu sira hadera an dau-daun, sira mai dehan ba Jesus, “Tansa Joao no fariseu sira nia eskolante hadera an, O nia eskolante fali lae?” 19Jesus hatan ba sira, “Noivu nia belun sira bele hadera an wainhira noivu sei hela hamutuk ho sira? Wainhira nia sei hela hamutuk ho sira, sira la bele hadera an. 20Maibe loron sei to'o mai wainhira ema sei hasai tiha noivu housi sira. Iha loron ne'e mak sira sei hadera an.”  21“Ema ida la taka kuak iha hena tuan ho hena foun. Nia halo karik, hena foun sei hales hena tuan, no kuak sei sai boot liu. 22Ema ida la fui tua foun iha fatin tuan. Nia halo karik, tua sei halo kulit nakles no tua sei nakfakar. Ema tau tua foun iha fatin foun.”