Ord, Semana I, Sábado, dia 15, fulan Janeiro, 2022 January 15, 2022
Reflection on the WORD
Maluk sira mak Kristu hadomi,
Jesus – Sala na’in sira: iha Evangelho ohin, Jesus la’os de'it han hamutuk (ou ransu) ho ema sala na’in sira maibé nia mós bolu sala na’in ida naran Mateus hodi sai ninia apóstolu. Reflete: ita sai hipócrita ka la’e wainhira ita hasouru sira ne'ebé mak iha komportamento ladun diak balun? Jesus konvida ita atu hamenus ita nia tendensia julga ema seluk nia sala, ita presiza alimenta virtude compassivo sira tamba ita hotu mesak fraku no sala na’in?"
Pe. Philip Heng, S.J.
Mark 2:13-17
Jesus bolu Levi
13Jesus sai fali ba tasi ibun. Ema barak ba hasouru nia. Nia hanorin sira. 14Tuir dalan, Nia hare Levi, Alfeu nia oan, tur iha nia fatin hodi kobra osan. Jesus dehan ba nia, “Mai, tuir Ha’u.” Nia hamriik hodi tuir Jesus. 15Wainhira Jesus han iha nia uma, publikanu balun no ema maksalak sira tur hamutuk ho Jesus ho nia eskolante sira, basa barak housi sira le’et tuir Nia. 16Eskriba sira housi fariseu sira nia sorin hare katak Nia han hamutuk ho ema maksalak ho publikanu sira. Sira dehan ba Nia eskolante sira, “Tansa Nia han hamutuk ho publikanu no ema maksalak sira?” 17Jesus, rona hotu ne'e, hatan ba sira, “La'os ema isin diak mak presisa doutor, maibé sira nebe moras. Ha’u la mai atu bolu ema diak, maibé ema maksalak sira.”
Today's Pointers on God's Word
As you read the passage what words, phases or meanings caught your attention?
- Jesus dehan, “Ema ne’ebé isin di’ak la presiza doutór, maibé ema moras mak presiza. Ha’u mai la’os atu bolu ema di’ak, maibé atu bolu ema sala-na’in.
- Ema Fariseu sira preokupa ho observasaun detalha lei Judeu nian no hahalok ida ne’e halo sira sai hipócrita, hanoin klot no eksklusivu iha sira nia hanoin kona ba sentidu husi salvasaun.
- Dalaruma ita senti sala tanba ita mós iha hahalok ”eksklusivu no hipócrita?” Ita hado’ok-an husi ema sala na’in sira no sira ne’ebé la prátika sira nia fiar, ou ita koko atu sai husi-an no lolo liman ba ema sira ne’e ho kompaixaun?