DGEMs

Maluk sira mak Kristu hadomi,

Jesus nia Autoridade Divina : iha Evangelho ohin, Jesus revela nia Autoridade Divina liu husi nia hanorin sira no nia poder hodi kura sira ne'ebé moras no duni sai  demônio sira ne'ebé estraga ema. Reflete: Jesus nia Autoridade Divina kontinua serbísu iha ita nia moris, wainhira ita rona, simu no halo tuir Maromak nia vontade. Oinsa ita nia esperiensia sira kona-ba konvite ida ne’e, halo tuir Maromak nia vontade iha ita nia moris?

Pe. Philip Heng, S.J.

21Wainhira loron Sabadu to'o, Nia tama iha sinagoga hodi hanorin. 22Ema sira hakfodak ho Nia hanorin, basa Nia hanorin hanesan ema nebe iha kbiit, la'os hanesan eskriba sira. 23Teki-teki, mane ida ho diabu iha nia laran mosu iha sinagoga hodi hakilar dehan: 24“Iha buat sa iha ami no O nia le’et, Jesus Nazare? O mai atu halakon ami? Ha’u hatene O se los: O Maromak nia  santu!” 25Maibé Jesus lia tun ba nia hodi dehan: “Nonok no sai housi nia!” 26Espiritu foer ne’e doko maka'as ema ne'e hodi hakilar, hafoin sai housi nia. 27Ema sira hakfodak teb-tebes. Nune'e, sira husu ba malu dehan: “Sa mak ne'e? Hanorin foun ida ho kbiit! Nia haruka espiritu foer sira no sira halo tuir Nia.”