DGEMs

Maluk sira mak Kristu hadomi,

Jesus nia kompaisaun: iha Evangelho ohin, ho compaixão ne'ebé forti, Jesus fó han ema rihun lima ne'ebé hamlaha. Jesus nia Amor Compassivo foka atu salva klamar sira hodi hetan moris rohan laek. Jesus mós senti profundamente triste wainhira hasoru sira ne'ebé mak moris iha terus nia laran, Nia preokupa mós ita nia necessidade fisika nian. Tan ne’e, ita haksolok no agradese iha ita Na’i ne'ebé iha domin rohan laek ba ita hothotu.

Pe. Philip Heng, S.J.

34Wainhira Jesus tun housi ro, Nia hetan ema lubun boot ida. Nia hanoin ema sira ne'e teb-tebes, basa sira hanesan bibi nebe bibi atan la iha. Nia hahu hanorin sira buat barak.

35Wainhira kalan besik ona, Nia eskolante sira hakbesik Nia hodi dehan: “Fatin ne'e fuik, no mos kalan besik ona. 36Ne’e duni, haruka sira ba atu sira bele la'o ba knua sira nebe besik hodi sosa buat ruma atu han.” 

37Nia hatan hodi dehan ba sira, “Imi rasik fo han sira ba.”

38Nia husu sira, “Imi iha paun fuan hira? Ba, hare ba!” Sira ba, no wainhira hatene ona, sira dehan: “Paun fuan lima no ikan rua.”

40Sira tur, ema atus ida - atus ida eh lima nulu - lima nulu. 41Tuir mai, Nia kaer paun fuan lima no ikan rua, foti matan ba lalehan, fo bensa hodi silu no fo ba Nia eskolante sira atu fahe ba ema sira. Nune'e mos Nia fahe ikan ba ema hotu. 42Ema hot-hotu han to'o bosu. 43Sira halibur hamutuk paun no ikan nia resin, luhu sanulu resin rua nakonu. 44Sira nebe han besik rihun lima.