SANTÍSSIMO NOME DE JESUS: Segunda-Feira depois da Epifania, dia 03, fulan Janeiro, 2022 January 3, 2022

Reflection on the WORD

Maluk sira mak Kristu hadomi,

"Jesus" – Naran: Iha selebrasaun loron “Jesus nia naran santu”, ita presija lembrar katak liafuan ka palavra “Jesus” iha lian Hebreu “Yeshua” signifika “Maromak (Jave) salva”. Tradusaun Grego Messias  mak “Christos”. Yeshua no Christos revela identidade Jesus nian nudar Salvador mundo nian. Tamba ne Jesus nia naran iha sentidu profundo no revela identidade no missaun Jesus nian. Ida ne fo hanoin ita atu valoriza no reverencia sentidu husi naran Jesus.

Pe. Philip Heng, S.J.

Luke 2:21-24

21Liu loron ualu, wainhira labarik atu simu sirkunsisaun, sira hanaran Nia Jesus, nudar anju fo hatene molok nia inan ko’us. 22Liu tiha tempu sira nia hamos an nian, tuir Moises nia ukunfuan, sira lori Nia ba Jerusalem atu saran Nia ba Na’i, 23nudar hakerek iha Na’i nia ukunfuan, katak “Oan mane boot ida-ida sei hanaran an Na’i nia santo,” 24no mos atu hasa’e, nudar buat karan, manu falur rua eh manu pombu oan rua, nudar Na’i nia ukunfuan haruka. 

Today's Pointers on God's Word

As you read the passage what words, phases or meanings caught your attention?

  • ·       Maria ho Jose rona obedece no halo tuir Maromak nia Vontade liu husi lia ne’ebé hato’o ona husi anju Gabriel no hanaran Kosok-Oan ‘Jesus’ katak Salvador.

  • ·       Maria ho Jose mos halo tuir lei Moises nian hodi aprezenta sira nia oan dahuluk iha Templu Jerusalem nian no iha Templu ne’e, sira consagra Jesus ba Maromak moris hun.

  • ·       Ita nia obediensia ba Lei Igreja ne’ebé guia ita oinsa atu moris tuir ita nia fiar no  kaer metin ba moral sira iha ita nia moris lor-loron nian to’o iha ne’ebé? Ita haré ‘lei no regulasaun’ Igreja nian hanesan obrigasaun, impozisaun, ou hanesan Maromak nia hakarak no Nia matenek mai ita hodi ajuda ita iha ita nia moris fiar nian iha mundo ne’e?