DGEMs

Maluk sira mak Kristu hadomi,

"Lia Fuan Diak ba Salvasaun nian": iha Evangelho ohin, Messias-kosok oan moris iha balada han fatin, fatin ne’ebé simples no humilde; bibi atan sira mak ema primeiro ne’ebé hetan Boa Notícia kona ba Messias - kosok oan ne’ebé foin moris; Boa Notisia too uluk ba sira ne’ebé kiak loss atu simboliza katak Messias nia moris hodi serbí ho haraik-an no lori salvasaun ba ema hot-hotu. Reflete: ita iha humildade ka laran haraik-an hodi sai hanesan Jesus?

Pe. Philip Heng, S.J.

Tan Jose mai housi umakain David nian, nia mos husik sidade Nazare iha Galileia, hodi sa’e ba Judeia, ba David nia sidade naran Belem, 5atu tau naran ho nia kaben Maria, ne’ebé isin rua. Maria nia loron atu tur ahi to’o dau-daun. Nia tur ahi nia oan mane boot, hodi haneras no hatoba nia iha balada han fatin, basa la iha fatin oan ida ba sira iha uma laran.

ne’ebé kalan kalan hein sira nia bibi iha rai luan. Na’i nia anju mosu ba sira. Maromak nia gloria nabilan iha sira le’et. Sira hakfodak teb-tebes. Tuir mai anju dehan ba sira: “Imi keta tauk, basa ha’u lori liafoun diak ida ba imi, ne’ebé sei haksolok mos povu tomak: ohin iha David nia sidade, foin moris ba imi Maksoin ida, katak Kristu Na’i. Sinal ba imi mak ne’e: imi sei hetan kosok oan ida haneras no toba iha balada han fatin.” Teki-teki anju lubun boot ida halibur hamutuk ho anju ne’e hodi hahi Maromak dehan: “Gloria ba Maromak iha leten aas ba, dame iha raiklaran ba ema sira ne’ebé Nia hadomi!”