4𝐚 𝐒𝐞𝐦𝐚𝐧𝐚 𝐀𝐝𝐯𝐞𝐧𝐭𝐨 nian: Quinta feira, 𝐝𝐢𝐚 23, 𝐟𝐮𝐥𝐚𝐧 Dezembro, 𝟐𝟎𝟐𝟏 December 23, 2021
Reflection on the WORD
Maluk sira mak Kristu hadomi,
João Batista – Providênsia: iha Evangelho ohin, João Batista moris tamba Providênsia Maromak nian. João Batista mai atu "prepara" ema hot-hotu hodi bele simu Boas Notícias kona-ba Jesus-Kosok Oan ne’ebé sei mai. Reflete: Oinsa ita koko no experimenta Mistério Maromak nian iha ita nia moris desde ita moris mai? Oinsa Maromak haraik nia bensaun no grasa mai ita liu husi ita nia família no ema seluk?
Pe. Philip Heng, S.J.
Luke 1:57-66
Wainhira tempu to’o ona ba Isabel, nia tur ahi oan mane ida. Rona tiha katak Na’i hatudu laran luak boot ba nia, nia maluk no parenti sira haksolok ho nia.
Liu tiha loron ualu, sira mai atu halo sirkunsisaun kosok oan nian. Sira hakarak hanaran nia Zacarias, tuir nia aman; maibe nia inan dehan: “Lae, nia naran Joao.”
Sira dehan fali ba nia: “Iha imi nia parenti sira le’et la iha ema ida ho naran ne’e.”
Tan ne’e, ho sinal oi-oin, sira husu ba nia aman: nia hakarak fo naran sa ba nia oan. Nia husu surat tahan ida hodi hakerek: “Nia naran Joao.” Sira hotu hakfodak. Zacarias nia ibun nakloke kedas, nia nanal mamar fali, nia koalia hodi hawelok Maromak. Sira hotu ne’ebé hela besik neba tauk teb-tebes. Lia hirak ne’e hotu naklekar iha foho rai Judeia tomak. Sira hotu ne’ebé rona buat hirak ne’e rai hela iha sira nia laran hodi dehan ba sira an rasik: “Labarik ne’e sei sai sa los?” Basa, tebes duni, Na’i nia liman hela ho nia.
Today's Pointers on God's Word
As you read the passage what words, phases or meanings caught your attention?
-
l Zacarias ho Isabel, sira nain rua hetan grasa no bensaun boot husi Maromak tamba hetan oan iha tempu ne’ebé sira nia idade mós avansadu ona. Isabel terus durante tinan barak nia laran tamba laiha oan signifika laiha bensaun husi Maromak (estigma sira iha tempu neba). Maromak iha Nia mizericórdia no providensia salva sira hodi haraik ba sira oan ida - João Batista.
-
l Maromak hakarak atu bebe oan ne nia naran "João", significa: "Maromak nia grasa". Ho providênsia Maromak nian, João prepara ema hotu atu bele simu Jesus - kosok oan ne’ebé sei mai. Saida mak Maromak nia planu ba o?
-
l Kuando Maromak haraik bensaun ba ita, ita mós iha responsabilidade atu uza bensaun sira ne’e hodi lori ema seluk hakbesik-an ba Maromak liu husi ita nia testemunho da vida ne’ebé diak.