3𝐚 𝐒𝐞𝐦𝐚𝐧𝐚 𝐀𝐝𝐯𝐞𝐧𝐭𝐨 nian: Sexta feira, 𝐝𝐢𝐚 17, 𝐟𝐮𝐥𝐚𝐧 Dezembro, 𝟐𝟎𝟐𝟏 December 17, 2021
Reflection on the WORD
Maluk sira mak Kristu hadomi,
Genealogia – Providênsia Maromak nian: iha Evangelho ohin, ita rona Jesus nia genealogia ne’ebé hatudu "Caminho Messias" nian desde nia bei-ala sira iha história humanidade. Maromak kontinua hatudu nia domin hodi involve-an iha ita nia mundu no ita nia moris too ohin loron. Ita iha matan fiar nian ka la’e hodi bele haré Maromak nia vitoria iha mundu ne’ebé nakonu ho sofrimento no pekado?
Pe. Philip Heng, S.J.
Matthew 1:1-2a, 6b,11b,16-17
Jesus Kristu nia bei ala sira housi David to'o Abraao mak ne'e: Abraao mak Isaac nia aman; Isaac Jacob nia aman;
David, ho Urias nia fen, mak Salomao nia aman no inan.
Josias mak Jeconias ho nia maun alin sira nia aman, iha tempu dadur nian iha Babilonia.
Jacob hetan oan naran Jose, ne’ebé kaben ho Maria. Jesus, ne’ebé ema hanaran Kristu moris housi Maria.
Nune'e housi Abraao to'o David, derasaun sanulu resin haat; housi David to'o tempu dadur nian iha Babilonia derasaun sanulu resin haat; no housi tempu dadur nian iha Babilonia to'o Kristu, derasaun sanulu resin haat.
Today's Pointers on God's Word
As you read the passage what words, phases or meanings caught your attention?
-
l Demora 42 gerasaun mak foin to’o iha promesa Messias ne’ebé atu mai.
-
l Jesus ninia antepassados ka bei-ala sira iha fiar metin ba Maromak no hamtauk Maromak maibé iha balun mós ne’ebé la lao tuir Maromak nia vontade. Maski ita ema fraku, Maromak lahusik ita nia frakeza humana atu destroe Ninia planu redensaun.
-
l Tamba ne, Maromak iha planu uniku ba ita ida-ida. Ita diskobre ona oinsa Maromak hadomi ita no Maromak hakarak konstrui Reina de Deus iha mundo ho ita nia existensia? Ita diskobre ona oinsa Maromak komunika nia-an lorloron iha ita nia moris?