DGEMs

Maluk sira mak Kristu hadomi,

"Plano Maromak – Providênsia":iha Evangelho ohin, Jesus afirma katakJoão Batistane’e profeta idane’ebé partisipa ativamente iha Maromak nia planu salvasaun. João Batista prepara dalan atu simu Messias ne’ebé sei mai. Reflesaun: lembra oinsa Maromak uza ita nu’udar ninia instrumentoAmor KompassivuMaromak nian ba ema sira ne’ebé lakon fiar iha Maromak iha sira nia terus laran.

Pe. Philip Heng, S.J.

Wainhira Joao nia eskolante sira ba tiha ona, Jesus hahu koalia ba povu kona ba Joao: “Imi ba hare sa ida iha rai fuik maran? Fafulu ida ne’ebé leok iha anin? Imi ba hare sa ida? Ema ida ne’ebé hatais mesa furak? Hare ba, sira ne’ebé hatais furak no moris diak hela iha ema boot sira nia uma.

Ne’e duni, imi ba hare sa ida? Profeta ida? Ne’e los; maibe Ha’u dehan ba imi katak nia boot liu fali profeta ida. Kona ba ema ne’e hakerek tiha ona:

‘Hare ba, Ha’u haruka ha’u nia manuain atu la’o uluk O, atu hadia dalan ba O.’

Tebes Ha’u dehan ba imi, iha feto nia oan sira le’et la iha ida ne’ebé boot liu fali Joao; maibe ida ne’ebé kiik liu iha Maromak nia reinu, ema ne’e boot liu fali nia.”

Ema hotu ne’ebé rona Joao, no mos publikanu sira, hahi Maromak hodi simu nia baptismu; maibe fariseu sira no doutor ukunfuan  sira nian, hodi la simu baptismu housi Joao, halo le’et deit Maromak nia planu ba sira.