DGEMs

Maluk sira mak Kristu hadomi,

"Obedese Maromak nia Vontade": iha Evangelho Jesus, Jesus "bolu ita" atu kultiva sinseridade ne’ebé profunda hodi obedese no moris tuir Maromak nia Vontade. Ida ne’e labele hela de’it iha nível argumentos inteligentes nian iha ita nia moris. Reflesaun: wainhira ita nia domin ba Maromak ne’e sinseru no profundo, ita sei sente katak Maromak nia Vontade ne’e interessante ka atraente tebes maski iha mós dezafius no aflitus balun.

Pe. Philip Heng, S.J.

“Imi hanoin sa? Ema ida iha oan mane na’in rua. Nia ba ida uluk hodi dehan: ‘Oan, ohin o ba serbisu iha to’os,’ Oan ne’e hatan: ‘Ha’u lakohi.’ Maibe, la kleur, nia hakribi hodi ba. Tuir mai, nia hakbesik ida seluk hodi dehan ba nia hanesan nia dehan ba ida uluk Ida ne’e hatan; ‘Ha’u ba, Na’i.’ Maibe nia la ba.

Sira na’in rua ne’e, ida ne’ebé mak halo tuir nia aman nia hakarak?” Sira hatan: “Ida uluk.” Jesus dehan ba sira: “Tebes, Ha’u dehan ba imi: ema publikanu no feto moris aat sira sei la’o uluk liu imi ba Maromak nia reinu.

Joao mosu ba imi hodi hatudu dalan justisa nian, imi la fiar, maibe ema publikanu no feto moris aat sira fiar nia. Maibe imi, hare tiha ona, lakohi hakribi sala hodi fiar nia.”