DGEMs

Maluk sira mak Kristu hadomi,

“Maromak nia Reinu” – Fiar: Farizeu sira husu ba Jesus: “bainhira mak Maromak nia reinu sei mai?” Jesus hatán katak ita la hatene. Reflete; “lia los prinsipál ne’ebé ita ida-idak presiza afirma; mak moris ita-nia fiar ho matan-moris: ho domin lolos ba Maromak no nia vontade, hanesan Jesus hatudu no hanorin ona; no la justifika ita-nia apego sira atu moris fiar ne’ebé ladún di’ak.

Maromak nia reinu to’o ona

20Fariseu sira husu wainhira mak Maromak nia reinu sei to’o. Nia hatan ba sira dehan: “Maromak nia reinu la mai hodi hatudu an. 21Ema ida la bele dehan: ‘Mak ne’e,’ eh ‘Mak neba;’ basa Maromak nia reinu iha ona imi le’et.” 

22Tuir mai Nia dehan ba nia eskolante sira: “Loron sei to’o wainhira imi sei hakarak haré Oan Mane nia loron ida, no imi sei la haré. 23Ema sira sei dehan ba imi: ‘Nia mak ne’e,’ eh ‘Nia mak neba.’ Keta ba, keta tuir. 24Basa nudar railakan nabilan housi lalehan nia hun to’o nia rohan, nune’e mos sei mosu iha Oan Mane nia loron. 25Maibé uluk knanain Nia sei terus boot, ema housi otas ne’e sei hakribi Nia.