DGEMs

Maluk sira mak Kristu hadomi,

“Loron matebian sira nian”: Ohin ita “hanoin, fó onra no harohan ba sira ne’ebé mate ona; atu sira hetan “deskansa rohan-laek no haksolok”. Maromak kria ema ida-idak tuir Nia Ilas no semellansa, ho esperansa katak ita hotu sei fila fali ba Nia iha lalehan, wainhira ita mate. Reflete; “Ita prontu atu hasoru Maromak ka lae? Nia mak fundasaun no objetivu ba ita-nia moris loron loron nian?”

Jesus ho Aman

25Iha oras neba Jesus dehan: “Aman, Na’i lalehan no rai nian, Ha’u hahi Ita tan Ita subar tiha buat hirak ne’e ba ema matenek no neon na’in sira hodi hatudu ba kiik oan sira. 26Los duni, Aman, tan Ita hakarak duni nune’e. 27Ha’u Aman tau tiha buat hot-hotu iha Ha’u liman; ema ida la hatene Oan, Aman deit mak hatene; nune’e mos ema ida la hatene Aman, Oan deit mak hatene, no mos ema ne’ebé Oan hakarak hatudu ba nia.”

28“Mai besik Ha’u, imi hotu ne’ebé kole no terus; Ha’u sei fo kmaan ba imi . 29Simu Ha’u nia ukun ba hodi banati tuir Ha’u, tan Ha’u laran kmaus no haraik an; no imi sei hetan hakmatek ba imi nia klamar. 30Basa Ha’u nia ukun mamar, Ha’u nia naha kmaan.”