Festa São Simão no Judas, Apostolos: Quarta-Feira, loron 28, fulan Outubro, 2025, October 28, 2026

Reflection on the WORD

Maluk sira mak Kristu hadomi,

“Maromak Mak Hili” – Ita Obedese tan Fiar:Jesus passa kalan tomak iha orasaun pessoal antes Nia hili Apóstolu Sanulu resin rua. Reflete; “Jesus iha natureza ne’ebé totalmente divina no totalmente umana ne’ebé labele separa. Nia presiza halo orasaun, reflexaun hodi discerne kona-bá Nia Aman nia Vontade atu bele hili ninia Apostolu sira.Misaun ka vokasaun saida mak Maromak hili ona ita atu kumpri hodi servi ho domin tomak?

Lk 6:12-16

12Iha loron hirak neba Nia sa’e ba foho atu harohan; kalan tomak Nia harohan ba Maromak. 13Iha dader, Nia bolu ba nia An eskolante sira, hodi fihir housi sira le’et na’in sanulu resin rua ne’ebé Nia hanaran ‘apostolu’ 14Simao, ne’ebé Nia hanaran Pedro, ho nia alin Andre; Tiago, Joao, Filipe ho Bartolomeu; 15Mateus, Tome; Tiago, Alfeu nia oan; Simao ne’ebé hanaran Zeloso; 16Judas, Tiago nia oan, no Judas Iscariotes ne’ebé sei saran Nia.

Today's Pointers on God's Word

As you read the passage what words, phases or meanings caught your attention?

  • Jesus sempre halo orasaun molok halo desizaun importante ruma. Ho inspirasaun divinu husi Maromak, Jesus hili ema simples balun atu sai Nia apóstolu sira, ne’ebé sei sai lider iha Igreja. Apóstolu na’in sanulu resin rua responde ho prontidaun no fuan ne’ebé generozu ba konvite Jesus nian.
  • Jesus mos hakarak ita responde ba Nia konvite sira ho fuan generozu atu serve Nia iha nesesidade Igreja no mundu nian. Ita prontu no hakarak atu hatan ba konvite ne’e ka lae? 
  • Mai ita reza atu Maromak haraik mai ita kbiit, korajen no fuan generozu atu ita bele responde ho fuan no laran tomak ba Nia konvite.