DGEMs

Maluk sira mak Kristu hadomi,

“Ita Konsienteba Milagre sira ka lae?”:Jesus kura feto ida ne'ebé moris ho defisiénsia durante tinan sanulu resin walu. Maibé lider sacerdote nian, matan delek nafatin hodi la hare Jesus nia milagre no husu tamba sa Jesus kura iha loron Sábadu. Reflete; “Ita sei la ‘haree’ Maromak nia Podér, Miserikórdia no Domin, até ita justifika tan ita-nia sala, se ita la hadomi Jesus ho fuan no laran mos, ne’ebé indika katak ita iha fiar hipókrita.”

10Iha loron Sabadu ida Jesus hanorin iha sinagoga. 11Iha neba iha feto ne’ebé espiritu aat ida halo moras tinan sanulu resin ualu ona: nia la’o hakru’uk deit, la bele hamriik los. 12Hare tiha nia, Jesus bolu nia hodi dehan ba nia: “Feto, o nia moras la iha ona.” 13Hafoin Nia tau liman ba nia. Iha oras ne’e kedas, feto hamriik los hodi hahi Maromak. 14Maibe na’i ulun sinagoga nian hirus tamba Jesus fo isin diak iha loron Sabadu; nia dehan ba ema sira: “Iha loron neen atu serbisu; ne’e duni, mai iha loron hirak ne’e; keta mai iha loron Sabadu.” 15Maibe Na’i hatan ba nia dehan: “Laran makerek sira, imi la kore imi nia karau eh kuda housi nia luhan iha loron Sabadu, hodi lori nia ba hemu? 16Ne’e duni, feto ne’e, Abraao nia oan, ne’ebé diabu kesi ba tinan sanulu resin ualu ona, la soi atu kore tiha mos iha loron Sabadu?”