DGEMs

Maluk sira mak Kristu hadomi,

“Responsabilidade iha moris Fiar nian”:Jesus koalia kona ba “Parábola ai Figueira” hodi fó hanoin ema multidao atu apresia Maromak nia grasa no bensaun sira. Jesus dehan “ai figueira” ne’ebé la fo fuan tinan tolu ona, diak liu tesi tiha; tamba nia absorve hahan barak mai husi rai no laiha aifuan. Maibé toos nain husu atu fó tan tempu tinan ida atu nia bele ke'e rai no tau adubu hodi halo nia buras fali. Reflete; “Se ita hatene katak ita nia tempu besik dadaun ona atu mate, ita mos sei husu ba Maromak atu ‘aumenta’ ita-nia vida ba tinan balun tan, atu ita bele moris tuir Maromak nia Vontade?”

6Nia dehan tan aiknanoik ida ne’e: “Ema ida kuda tiha ai figueira ida iha nia to’os. Loron ida nia ba buka nia aifuan, maibe la hetan. 7Tan ne’e, nia hateten ba to’os atan: ‘Tinan tolu ona ha’u mai buka aifuan iha aihun ne’e, maibe la hetan ida. Tesi tiha nia! Tansa nia susu le’et rai bokur?’ 8Maibe to’os atan hatan: ‘Na’i, husik nia tinan ida ne’e tan, atu ha’u sei ke’e hadulas nia hun hodi tau mos rai metan. 9Tinan mai nia sei fo fuan karik, diak; lae karik, mak ha’u sei tesi tiha nia.’”