29ᵃ Semana Tempu Komun: Sexta-Feira, loron 23, fulan Outubro, 2026, October 23, 2026

Reflection on the WORD

Maluk sira mak Kristu hadomi,

“Moris ho fuan ne’ebé hatene halo Disernimentu” – Fiar: Jesus hateten ba ema multidaun katak sira ida-idak iha kapasidade atu “halo disernimentu” hodi moris tuir Lialos no virtude Evangelho nian, se la’e, sira moris iha “vida hipókrita” nia laran. Reflete; “Bainhira ita moris ho fuan ne'ebé halo disernimentu’ atu hadomi Maromak ho fidelidade, ita sei hetan konsolasaun no sente sentidu lolos husi ita nia moris. Ida ne’e sei tulun ita atu enfrenta dezafiu moris nian no iha koragem hodi moris tuir Maromak nia vontade.

Lk 12:54-59

54Nia dehan tan ba ema lubun boot: “Wainhira imi hare kalohan ida iha loromonu, imi dehan katak udan sei tau, no mosu duni nune’e. 55Wainhira anin hu’u housi tasimane, imi dehan katak loron sei manas, no mosu duni nune’e. 56Imi ema laran makerek sira! Imi hatene si’ik buat ne’ebé mosu iha lalehan no iha rai, nusa mak imi la hatene si’ik otas ne’e? 57Tan sa imi rasik la hare buat ne’ebé los? 58Ne’e duni, wainhira o ba tribunal hamutuk ho o nia funubalun, buka hadame malu ho nia iha dalan; keta halo be nia lori o ba juiz, hafoin juiz saran o ba guarda, no guarda hatama o iha dadur laran. 59Ha’u dehan ba o katak o sei la sai housi neba to’o o selu hotu.”

Today's Pointers on God's Word

As you read the passage what words, phases or meanings caught your attention?

  • Gravitasi mak lei natureza nian  ne’ebé la’ós ema mak inventa, maibé ema só deskobre deit buat ne’ebé eziste ona. Buat hothotu tenke obedese ka tuir lei ida-ne’e; se lae, sei lae, tenki simu konsekuénsia sira. 
  • Nune’e mos, iha lei moral nian ne’ebé ita tenki tuir, tamba lei moral ne’e mai husi revelasaun Maromak nian. Se ita insiste hodi halo de’it buat ne’ebé ita hanoin katak los, no la moris tuir ensinamentu Igreja nian no Liafuan Maromak nian, ita sei hasoru konsekuénsia husi ita-nia hahalok sira ne’e.
  • Reza no husu grasa atu iha fuan ne’ebé hatene haraik-an atu loke-an hodi simu Maromak ninia revelasaun sira iha ita nia moris. Se ita insiste nafatin atu moris tuir ita nia hakarak rasik, ita sei sai egoista no hadok-an husi Maromak nia dalan, no loron ruma ita sei arepende fali.