29ᵃ Semana Tempu Komun: Tersa-Feira, loron 20, fulan Outubro, 2026, October 20, 2026
Reflection on the WORD
Maluk sira mak Kristu hadomi,
“Matan moris no neon na’in” – atitude Fiar: Jesus apresia no gava “atan”ne'ebé “servisu” ho fidelidade no atensaun tomak ba buat ne’ebé nia patraun konfia ba nia. Reflete; “matan moris no neon na’in iha ita-nia fiar revela domin komprometidu ba ema seluk nia diak. No mos, wainhira ita serbí Maromak ho humildade no moris ba Nia no tanba domin ba Nia, ita-nia fuan sei konese Jesus ho intimidade liután iha ita nia desizaun moris nian.”
Lk 12:35-38
35“Kesi metin imi nia futukabun no halo imi nia ahi oan lakan nafatin. 36Halo imi an hanesan ema sira ne’ebé hein sira nia na’in wainhira nia mai housi festa kaben nian, atu loke kedas odamatan iha oras ne’ebé nia to’o mai hodi tuku odamatan. 37Ksolok ba atan sira ne’ebé Na’i hetan hader hela wainhira Nia to’o. Tebes, Ha’u dehan ba imi katak, nia sei kesi hena ba nia knotak, sei halo sira tur iha meja, hafoin Nia sei liu housi sira le’et hodi serbi sira. 38Nia to’o mai karik iha ronda rua ka tolu, hodi hetan sira nune’e, ksolok duni ba sira.
Today's Pointers on God's Word
As you read the passage what words, phases or meanings caught your attention?
- Buat ida ne’ebé halo Fiar Kristianismu diferente husi relijiaun sira seluk mak, iha relijiaun seluk ema buka Maromak, maibé iha Fiar Kristianismu, buat ne’ebé esensial los mak Maromak rasik mai hasoru ita no mai atu salva humanidade tomak.
- Nu’udar ema fiar na’in ida, ita tenke prontu nafatin atu hasoru Maromak ne’ebé akompaña ita-iha ita nia moris iha mundu ne’e no ba nafatin to’o moris rohan laek.
-
Kria espasu atu bele hasouru Maromak kada loron—iha dadeer, iha meudia no iha kalan—atu ita laran metin nafatin ba na’i no la monu ba distrasaun no preokupasaun superfisial sira iha ita nia moris. Koko nafatin atu aprofunda ita nia relasaun ho Maromak iha ita nia moris.