DGEMs

Maluk sira mak Kristu hadomi,

“Ema Riku ne'ebé Beik” – Fiar: Jesus koalia ba ema lubun bot iha“Parábola kona-bá Ema Riku ne'ebé Beik”, ne'ebé iha planu atu servisu makas hodi hetan lukru no ikus bele goza mundu sekulár ninia ksolok sira. Infelizmente, nia mate iha kalan ne’ebé nia sei planu hela atu goza moris iha futuru. Entaun, buat diak sa mak nia sei husi nia rikusoin no planu sira? Reflete; “Ita mos monu ba fantasia sira hanesan ne'e hodi hanoin katak ita sei iha vida ne’ebé naruk?”

15Hafoin Nia dehan ba sira: “Imi hare ba, keta kaan rikusoi, basa, la’os ema nia rikusoi mak halo ema moris liu.” 16Tuir mai, Nia haktuir ba sira aiknanoik ida ne’e: “Ema riku ida hetan aihan barak housi nia to’os. 17Nia hanoin hodi dehan ba nia an: ‘Ha’u sei halo sa los? Basa ha’u fatin la iha atu rai ha’u nia aihan sira.’ 18Hafoin nia dehan: ‘Ha’u sei halo nune’e: ha’u sei sobu ha’u nia aihan fatin hodi harii ida seluk boot liu fali ida ne’e; iha neba ha’u sei rai aifuan hotu to’os nian ho ha’u nia rikusoi tomak. 19No ha’u sei dehan ba ha’u nia klamar: ‘Ha’u klamar, o iha sasan barak ne’ebé rai hela ba tinan wa’in; hakmatek ba, han hemu hodi haksolok ba.’ 20Maibe Maromak dehan ba nia: ‘Beikten! Iha kalan ne’e  kedas Ha’u sei bolu o nia klamar; sasan sira ne’ebé o rai hela sei sai se nian?’ 21Nune’e mos sei mosu ba ema ne’ebé rai hela rikusoi ba nia an, maibe la sai riku ba Maromak.”