29ͣ Semana Tempu Komun: Doming, loron 18, fulan Outubro, 2026 October 18, 2026

Reflection on the WORD

Maluk sira mak Kristu hadomi,

“Koko Maromak” – Fiar: Jesus hatene katak farizeu no Herodianos tenta atu “koko” no “lasu” Nia, hodi tau Nia iha situasaun difísil ida atu nia: hili hodi apoia autoridade Romanu ne'ebé opresiva, ka apoia ema Judeu sira ne'ebé selu impostu barak ba Imperio Romano.Reflete; “Se ita-nia relasaun ho Jesus la kle’an, ita sei sai ema hipókrita no bosokten ida iha ita nia relasaun ho Jesus, ida ne’e sei haterus no estraga ita-nia an rasik, ema seluk no bele estraga mos buat hotu ne'ebé ita halo iha ita nia moris.”

Mt 22:15-21

15Tuir mai, fariseu sira halibur an hamutuk hodi futu lia oin sa sira bele kaer Nia iha liafuan ruma. 16Sira haruka sira nia eskolante sira hamutuk ho herodianu sira atu dehan ba Nia: “Mestre, ami hatene katak Ita koalia lialos, Ita hanorin Maromak nia dalan ho lialos, la tauk ema ida, basa Ita la fihir ema. 17Ne’e duni, dehan mai ami Ita hanoin oin sa: bele selu impostu ba Cesar ka lae?” 18Tan hatene sira nia laran aat, Jesus hatan: “Laran makerek sira; tansa imi babeur Ha’u? 19Hatudu osan impostu nian mai” Sira hatudu denariu ida ba Nia. 20Nia husu: “Ilas ho buat hakerek ne’e se nian?” 21Sira hatan: “Cesar nian” Ho ne’e, Jesus dehan ba sira: “Ne’e duni, imi fo ba Cesar buat ne’ebé Cesar nian, no ba Maromak buat ne’ebé Maromak nian.”

Today's Pointers on God's Word

As you read the passage what words, phases or meanings caught your attention?

  • “Fó ba César buat ne’ebé César nian, no fó ba Maromak buat ne’ebé Maromak nian.” Jesus nia Liafuan hirak ne’e hamosu reasaun saida iha ita-nia fuan no laran?
  • Ita iha fiar ida deit maibe ita ida-idak hamoris no haburas ita nia fiar ho maneira ne’ebé lahanesan no ita mos iha responsabilidade oi-oin iha ita nia sosiedade, maibé ita labele separa dimensaun rua ne’e; sira iha relasaun no desafia malu. Oinsá mak ha’u-nia relasaun ho Maromak orienta ha’u iha hau nia relasionamentu sira iha mundu ne’e?  No oinsá mak buat sira ne’ebé ha’u hasoru iha mundu ne’e afeta ha’u-nia relasaun ho Maromak?
  • Maromak konvida no dezafia ha’u atu kumpri lolos hau nia fiar no responsabilidade sira hotu, tantu responsabilidade relijiozu nian, como  responsabilidade iha moris loroloron. Iha área ne’ebé mak ha’u presiza fó atensaun liután hodi besik liu tan ba Maromak?