28ᵃ Semana Tempu Komun: Sabadu, loron 17, fulan Outubro, 2026, October 17, 2026

Reflection on the WORD

Maluk sira mak Kristu hadomi,

“Permanese iha Espíritu Santu” – Fiar: Jesus haklaken ba nia disípulu sira katak “ema ne’ebé hatene Ha’u iha ema nia oin,Oan Mane mós sei hatene nia iha Maromak nia anju sira nia oin.” Reflete; “Se ita moris hodi sai sasin ba Maromak nia Lialos, Domin no Miserikórdia, Maromak sei la husik ita mesak iha ita nia moris. Ita-nia moris sei nakonu ho ksolok rohan laek nian ne'ebé rikusoin mundu nian la bele fó ba ita.”

Lk 12:8-12

8Ha’u dehan los ba imi katak ema ne’ebé hatene Ha’u iha ema nia oin, Oan Mane mos sei hatene nia iha Maromak nia anju sira nia oin. 9Maibe ema ne’ebé heli lia kona ba Ha’u iha ema nia oin, Maromak nia anju sira mos sei heli lia kona ba nia. 10Ema ne’ebé koalia aat hasouru Oan Mane, sei hetan perdua; maibe ema ne’ebé hateten aat Espiritu Santu sei la hetan perdua. 11Wainhira sira lori imi ba sinagoga sira, ba juiz no ba na’i ulun sira, keta hanoin resin kona ba oin sa imi sei hatan eh koalia, 12basa iha oras neba Espiritu Santu sei hanorin imi buat ne’ebé imi sei dehan.”

Today's Pointers on God's Word

As you read the passage what words, phases or meanings caught your attention?

  • Jesus fohanoin ita atu kuidadu hodi la halo blasfémia hasoru Espíritu Santu. Tamba nia  mak sala grave tebes no wainhira ema ho intensaun no livre atu taka-an ba Lia-loos Maromak nian no hili atu la hakribi sala no lakohi atu halo esforsu hodi halo mudansa ba nia moris.
  • Maski nune’e, Maromak nia domin no misericórdia ne’ebé la iha limite buka ita nafatin atu ita bele fila fali ba Nia.  Maromak nunka husik ema ida tanba Nia hakarak ema hothotu hetan salvasaun. Ida-ne’e mak Maromak nia domin no misericórdia ne’ebé laiha kondisaun ba ita hotu, liuliu ba ema sira ne’ebé la’o dok tiha husi Maromak nia dalan. 
  • Ba itabot, Jesus dunik mak  ita-nia Na’i no Salvador iha ita nia moris? Oinsá mak ita hatudu no moris tuir Lialos ida-ne’e iha ita-nia moris loroloron?