DGEMs

Maluk sira mak Kristu hadomi,

“Hipokrisia – Konsekuénsia” – Fiar:Jesus fó hanoin farizeu no doutór da lei sira kona-bá konsekuénsia husi sira-nia fiar hipókrita/superfisial. Jesus dehan: “Jerasaun ida-ne'e tenki simu responsabilidade hodi hatan ba buat aat, oho ema no estraga fiar ne’ebé sira halo ona” Reflete; “Ita hothotu la perfeitu; maski ita mak ema sala, Maromak bolu ita atu sai ‘santu’. Maibé, ‘hipokrisia’ ka fiar ne’ebé namlele ka superfisial de’it sei lori ita ba dalan aat hodi kontra Maromak nia ukunfuan sira.

47Susar ba imi ne’ebé hada rate profeta sira nian: maibe imi nia bei ala sira rasik mak oho sira! 48Nune’e imi fo sasin, hodi hakarak mos imi nia bei ala sira nia hahalok sira; basa sira mak oho, imi mak hada rate. 49Tan ne’e Maromak nia matenek dehan: ‘Ha’u sei haruka profeta no apostolu sira ba sira; balun sira sei duni sai no oho,’ 50atu ema otas ne’e nian sei hatan kona ba profeta sira hotu nia ran, ne’ebé nakfakar houri mundu hahu, 51housi Abel nia ran to’o Zacarias nian, ne’ebé ema oho iha altar no santuariu nia klaran. Tebes, Ha’u dehan ba imi, ema sira ne’e sei hatan kona ba buat hirak ne’e hotu. 52Susar ba imi, doutor ukunfuan sira nian, ne’ebé hadau tiha  siabe  matenek nian! Imi rasik la tama, no imi taka netik dalan ba sira ne’ebé hakarak tama.”  53Wainhira Nia sai housi neba, eskriba no fariseu sira hahu haksesuk maka’as ho Nia, hodi  koko halo Nia koalia kona ba buat barak.