28ᵃ Semana Tempu Komun: Domingo, loron 11, fulan Outubro, 2026, October 11, 2026

Reflection on the WORD

Maluk sira mak Kristu hadomi,

“Tau Maromak hanesan buat baibain ida” – Fiar: Jesus relata kona-bá “Parábola ida kona-bá Festa Kazamentu ida” iha ne’ebé Nia konvida ita atu reflete kona-bá julgamentu lolos Maromak nian. Ita ida-idak sei hasoru Maromak bainhira ita mate. Reflete; “Ita hanoin katak ita-nia rikusoin, talentu, família no buat seluk sira ne’ebé ita iha mai husi ita nia esforsu rasik? Ho atitude ida ne’e mak halo ita haluhan atu agradese Maromak ba nia grasa no bensaun ne'ebé Nia haraik ona mai ita-nia moris”.

Mt 22:1-7a,8-10

 1Jesus koalia fali ho aiknanoik hodi dehan ba sira: 2 “Reinu lalehan nian hanesan liurai ida ne’ebé halo festa kaben ba nia oan mane. 3Nia haruka atan sira atu ba bolu konvidadu sira ba festa, maibe sira lakohi mai. 4Nia haruka tan atan sira seluk dehan: ‘Dehan ba konvidadu sira: Aihan prontu tiha ona, ha’u nia karau ho balada bokur sira oho tiha ona, buat hotu nahe tiha ona, mai festa kasamento.’ 5Maibe, hanesan lia la kona sira, ida ba tiha nia to’os, ida ba nia kontratu, 6sira seluk, kaer tiha atan sira, baku sira no oho sira. 7Liurai, laran nakali teb-tebes, haruka nia soldadu sira atu oho ema aat sira ne’e hodi sunu sira nia sidade. 8Hafoin nia dehan ba atan sira: ‘Festa kaben prontu ona, maibe konvidadu sira la soi. 9Ne’e duni, imi ba dalan sira hodi konvida ba festa kaben nian ema hotu ne’ebé imi hetan.’ 10Atan sira sai duni ba dalan sira no halibur hamutuk ema hotu ne’ebé sira hetan, diak no aat hodi halo fatin festa kaben nian nakonu ho bainaka.

Today's Pointers on God's Word

As you read the passage what words, phases or meanings caught your attention?

  • Maromak konvida ema hotu atu partisipa iha “Festa Nia Reinu lalehan nian.” Maibé, ema barak mak ignora no rejeita Maromak nia konvite. Konvite ida-ne’e iha ninia prazu ka tempu limitadu, tanba tempu sei to’o wainhira konvite ida ne’e la vale on ba ita.
  • Dalaruma ita “ignora no rejeita” konvite Maromak nian la’ós tanba ita nia pekadu ka sala sira maibé dala barak tanba ita-nia prioridade sira la klaru ka ita nia prioridade sira kontra Maromak nia hakarak iha ita nia moris. 
  • Ita responde de’it ba konvite husi mundu sekulár, ne’ebé konvida ita atu buka rikusoin, poder no orgulho? Oinsá Maromak konvida ita atu hadok ita husi ita nia hakarak no atrasaun ba sasan mundu nian, hodi fó atensaun liután ba Nia bolu atu ita moris tuir dalan Aman Maromak nian?