DGEMs

Maluk sira mak Kristu hadomi,

“Jesus nia Kompaixaun” – Fiar: Jesus relata kona-bá “Parábola Samaritanu ne’ebé di'ak”hanesan konvite ida ba ita atu evita tendensia sira hanesan ema sacerdote no levita sira ne’ebé ho sira nia razaun no justifikasaun prevene sira atu hatudu kompaixaun ba ema ne’ebé terus iha sira nia sociedade. Reflete; ita ida-ida simu ona Jesus nia domin no kompaixaun. Oinsa ita hatudu ita nia gratidaun ba Jesus liu husi ita nia maneira hadomi ita nia maun-alin sira ne’ebé besik ita?

29Maibe, tan nia hakarak souri an, nia dehan ba Jesus: “Maibe, se mak ha’u nia maluk?” 30Jesus hatan hodi dehan: “Ema ida tun housi Jerusalem ba Jeriko. Nia monu iha na’okten sira nia liman. Sira hadau nia sasan sira hodi baku tasak nia; hafoin sira halai, hodi husik hela nia besik atu mate. 31Amlulik ida liu housi neba; hare tiha ema ne’e, nia hakat ba dalan nia ninin seluk. 32Nune’e mos levita ida liu housi neba: hare tiha ema ne’e, nia hakat ba dalan ninin seluk. 33Maibe, wainhira Samaritanu ida liu housi neba, hare tiha ema ne’e, nia hanoin nia teb-tebes. 34Nia hakbesik, tau mina ho tua ba nia kanek sira hodi falun sira, hafoin foti ema ne’e ba nia kuda rasik no lori nia ba uma ida hodi tau matan ba nia. 35Loron tuir mai, nia hasai osan rua, hodi fo ba uma na’in dehan: ‘Hare nia di-diak, no buat ne’ebé ita gasta ha’u sei selu wainhira ha’u sei fila mai.’ 36Tuir ita nia hanoin, sira na’in tolu ne’e, ida ne’ebé mak maluk ba ema ne’ebé monu iha na’okten sira nia liman?” 37Nia hatan: “Ida ne’ebé hatudu laran luak ba nia.” No Jesus hateten ba nia: “Ba, hodi halo mos nune’e.”