DGEMs

Maluk sira mak Kristu hadomi,

“Ambisaun Pessoal” – Fiar: Jesus hato’o nia mensagem liu husi “Parábola kona-bá na'in rai nian”atu fó hanoin ba escribas, sacerdote no farizeu sira kona-bá perigu husi “ambisiozu” pessoal, ne'ebé bele lori ita ba halo buat aat liután no bele mos estraga ita-nia relasaun ho Maromak. Reflete; “Iha ita-nia fuan no laran, ita iha ‘egoísmu’ ruma ne'ebé tenta ita, maski ho maneira sutil, hanesan iha parábola, atu hafraku ita-nia fiar?”

33“Rona tan aiknanoik ida ne’e. Ema ida kuda uvas iha to’os ida. Hale’u tiha ho lutu, nia ke’e fatin sama uvas ida iha to’os laran hodi harii uma aas ida; nia saran ba ema sira, hafoin nia ba rai dook ida. 34To’o tempu atu ku’u uvas nian, nia haruka nia atan atu ba husu buat ne’ebé monu ba nia. 35Maibe ema sira ne’e kaer atan sira, baku ida, oho ida seluk, tuda ida seluk tan.  37Ikus mai nia haruka nia oan rasik hodi dehan: ‘Sira sei hamtauk ha’u nia oan.’ 38Maibe hare tiha nia oan, ema sira dehan ba malu: ‘Ida ne’e mak liman rohan na’in. Ita oho nia ba, atu ita sei manan nia liman rohan.’ 39Ne’e duni, sira kaer nia, soe ba to’os liur hodi oho nia. 40Wainhira to’os na’in mai, nia sei halo sa los ba ema sira ne’e?” 41Sira hatan: “Nia sei haruka oho ho kroat ema aat sira ne’e hodi saran to’os ba ema sira seluk ne’ebé, to’o los tempu, sei hatama aifuan ba nia.” 42Jesus dehan ba sira: “Imi seidauk le’e Eskritura sira, ‘Fatuk ne’ebé badaen sira hewai nakfila fali ba fatuk inan? Ne’e, buat ne’ebé Na’i halo, kmanek tebes duni ba ita matan.’”

43“Tan ne’e Ha’u dehan ba imi katak Maromak nia reinu sei hasai tiha housi imi hodi fo fali ba povu ida ne’ebé sei fo fuan.” 44(Ema ne’ebé monu ba fatuk ne’e rahun hotu; fatuk ne’e monu ba ema ruma karik, fatuk ne’e sei harahun nia.) 45Rona tiha aiknanoik hirak ne’e, amlulik boot sira no eskriba sira hatene lolos katak nia koalia kona ba sira. 46Sira hakarak kaer Nia, maibe sira tauk povu ne’ebé hare Nia nudar profeta.