DGEMs

Maluk sira mak Kristu Hadomi,

“Justifikasaun Sira iha Ita-nia Fiar”: Jesus haklaken kona-bá ita-nia tendensia atu “justifica” no hasees-an husi Maromak nia Hakarak no Nia Dalan sira. Reflete; “Maromak nia Hakarak sempre haruka ita atu simu sakrifísiu sira ne’ebé desafiante, serbí hodi hewai-an no persevera ho haraik-an. Hanoin mos kona-bá ne’e: “Maromak nunka promete ita ho moris ida ne’ebé la ho Nia Kruz sira. Nia promete de'it ba ita Moris Rohan laek se ita halo tuir Nia Hakarak.”

57Tuir dalan ema ida dehan ba Nia: “Ha’u sei la’o tuir Ita ba fatin hotu!” 58Jesus hatan ba nia, “Asu fuik iha luhan, manu sira iha lalehan iha knuuk; maibé Oan Mane la iha fatin atu sadere nia ulun ba.” 59Ba ida seluk Nia dehan: “O tuir Ha’u mai!”  Maibé ema ne’e hatan: “Na’i, husik ha’u ba hakoi lai ha’u nia aman.” 60Jesus hatan ba nia: “Husik matebian sira hakoi matebian sira; maibé o fali, ba hodi haklaken Maromak nia reinu.” 61Ema seluk dehan: “Ha’u sei tuir Ita, Na’i; maibé husik ha’u fo hatene lai ba sira nebe iha ha’u nia uma laran.” 62Jesus hatan ba nia, “Ema nebe tau ona liman ba sarua, hafoin fila oin ba kotuk, nia la soi ba Maromak nia reinu.”