DGEMs

Maluk sira mak Kristu Hadomi,

“Fiar ne’ebé Ativa”: Jesus haklaken “Aiknanoik kona-bá Oan-Mane nain rua,” ba amu-lulik boot sira no katuas-nai-ulun sira judeu nian. Jesus nia Aiknanoik sadik sira atu konverte-an, wainhira sira moris iha sira-nia fiar ho laran makerek. Reflete; “Fiar, katak tenke moris tuir dalan ne’ebé bele hodi tulun ita hodi kultiva no hodi haburas no hametin ita-nia relasaun ho Maromak. Se la’e, ita sei buka dalan justifica ita nia an no moris iha fiar ne'ebé superfisiál to’o sai ema laran makerek.”

28“Imi hanoin sa? Ema ida iha oan mane na’in rua. Nia ba ida uluk hodi dehan: ‘Oan, ohin o ba serbisu iha to’os,’ 29Oan ne’e hatan: ‘Ha’u lakohi.’ Maibé, la kleur, nia hakribi hodi ba. 30 Tuir mai, nia hakbesik ida seluk hodi dehan ba nia hanesan nia dehan ba ida uluk Ida ne’e hatan; ‘Ha’u ba, Na’i.’ Maibé nia la ba. 31Sira na’in rua ne’e, ida nebe mak halo tuir nia aman nia hakarak?” Sira hatan: “Ida uluk.” Jesus dehan ba sira: “Tebes, Ha’u dehan ba imi: ema publikanu no feto moris aat sira sei la’o uluk liu imi ba Maromak nia reinu. 32Joao mosu ba imi hodi hatudu dalan justisa nian, imi la fiar, maibé ema publikanu no feto moris aat sira fiar nia. Maibé imi, hare tiha ona, lakohi hakribi sala hodi fiar nia.”