25a Semana Tempu Komun: Kinta-feira, 24, fulan Setembru, 2026, September 24, 2026

Reflection on the WORD

Maluk sira mak Kristu Hadomi,

“Maromak nia Paz Ne’ebé Lolos”: Liurai Herodes sente confusão ho notisias sira kona-bá Jesus nia Misaun haklaken Liafuan Di'ak. Medita kona-bá ne’e: “bainhira ita hala’o moris ne’ebé autentiko iha Kristu nia sentro moris; ne’ebé la hanesan ho liurai Herodes nian, entaun ita sei libre husi anxiadade, ta'uk no kulpa. No, bainhira ita moris atu hadomi no serbí Maromak nia Hakarak; Maromak nia Paz Lolos nian sei hari metin ba nafatin iha ita-nia fuan no ita nia esperansa sira.”

Lk 9:7-9

7Rona tiha kona-bá  buat ne’e hotu, liurai Herodes hakfodak, basa ema balun dehan katak Joao moris hi’as fali housi mate; 8 maibé ema seluk dehan katak Elias mosu fali, no ema seluk tan dehan katak profeta uluk sira ida moris hi’as fali. 9Maibé Herodes dehan: “Ha’u tesi tiha ona Joao nia ulun. Ne’e duni, ema ne’e se los, nebe kona-bá  nia ha’u rona buat hirak ne’e?” No nia buka namanas atu hare Nia.

Today's Pointers on God's Word

As you read the passage what words, phases or meanings caught your attention?

  • Iha sasin moris fiar sarani nian, sei mosu mós tempu sira ne'ebé ita rona kontradiksaun no konfuzaun iha informasaun no perspektiva kona-bá Jesus no Nia hanorin sira. 
  • Ita tenke hakas an iha luta atu aprofunda ita-nia fiar iha Na'i liu hosi haburas ita nia moris orasaun nian no Sakramentu sira nian ne'ebé nakonu ho sentidu no moris iha ita-nia fiar ho konkreto liutan iha moris loron-loron. Liu hosi dalan moris hirak ne'e, mak ita-nia domin ba Na'i sei hari iha rai ho abut ka baze ida ne’ebé metin liutan. 
  • Maibé, karik ita la aprofunda ita-nia fiar ho seriedade no loron-loron, entaun hanesan ho Liurai Herodes, ita bele fasil los atu sai ema ne’ebé konfuzaun no nakdoko kona-bá ita-nia fiar iha Na'i.