Nossa Senhora das Dores: Tersa-feira, 15, fulan Setembru, 2026, September 15, 2026

Reflection on the WORD

Maluk sira mak Kristu Hadomi,

“Maria, Inan Terus nain” – Fiar: Maria hela iha Kruz nia hun Nia Oan nian ne'ebé krusifikadu; tanis ho matan-ben no terus ne’ebé kle'an, simu Aman nia Misteriu, Nia Salvasaun Rohan laek nian. Reflete; “ita harohan ba grasa sira atu bele sai hanesan ho Maria, katak iha ita-nia ‘Terus’,ita sei fiar ba nafatin, konfia ho haraik-an atu simu Maromak nia Hakarak no Dalan mai ita”

Jo 19: 25-27

25Nia inan, nia inan nia alin, katak Maria, Cleofas nia fen, ho tan Maria Madalena hamriik besik Jesus nia krus. 26Hare tiha  nia inan ho eskolante nebe Nia hadomi hamriik iha nia sorin, Jesus lia tun ba nia inan: “Na’in feto, o nia oan mak ida ne’e!” 27Hafoin Nia lia tun ba eskolante: “O nia Inan mak ida ne’e!” No houri oras neba, eskolante ne’e simu nia iha nia uma.

Today's Pointers on God's Word

As you read the passage what words, phases or meanings caught your attention?

  • Jesus hateten ba Nia disípulu ne'ebé Nia hadomi liu, 'Ne'e mak ó-nia inan'. Jesus la entrega Nia inan doben ba naran ema ida, maibé ba ninia disípulu fiar nain ida ne'ebé Nia hadomi. 'No husi oras ne'e kedas discípulu ne’e foti nia Inan ba nia uma'. 
  • Nu'udar Jesus nia disípulu sira, ita mós iha Maria nu'udar ita-nia inan. Inan sira ne’ebé ita tenke hadomi no fo onra ba tanba buat hotu ne'ebé sira halo mai ita. Oinsá mak ita relasiona ho Maria iha ita nia fiar? 
  • Mai ita agradese ba Na'i Jesus tanba grasa husi Nia Inan rasik haraik mai ita. Hein katak ita, hanesan mos disipulu amadu ho haksolok iha fuan simu Maria iha ita-nia fuan no ita nia uma sira?