DGEMs

Maluk sira mak Kristu Hadomi,

“Moris Rohan laek” – Fiar: Jesus konvida Nia disípulu sira atu moris iha moris ida ne'ebé fó sasin kona-bá Reinu Lalehan nian; iha ne'ebé Maromak mak sai Centru, meta no objetivu husi ita-nia moris, hanesan Nia revela ona mai ita. Reflete; “Dalan moris radikál ida ne’e nianso posível de'it se ita iha Maromak nia grasa sira, no Espíritu Santu nia Naroman no Kbi’it atu moris iha moris ida ne'ebé lolos hodi hili de’it Kristu nu’udar centro no desizaun sira ba ita moris”

27“Ha’u dehan ba imi sira nebe rona dau-daun: hadomi imi nia funubalun sira, halo diak ba sira nebe hirus imi; 28fo bensa ba sira nebe fo malisan ba imi, harohan ba sira nebe koalia aat imi;  29ba ida nebe basa o nia hasan ida, fo tan o nia hasan seluk; ba ida nebe hadau o nia unuk, fo tan o nia hatais; 30ba ida nebe husu buat ruma, fo ba; ba ida nebe hola o nia sasan sira, keta husu fali. 31Nudar imi hakarak ema halo ba imi, halo mos nune’e ba sira. 32Imi hadomi karik sira nebe hadomi imi, imi soi sa ida? Ema maksalak sira mos hadomi sira nebe hadomi sira. 33Imi halo diak karik ba sira de’it nebe halo diak ba imi, imi soi diak sa? Ema maksalak sira mos halo nune’e. 34Imi impresta de’it karik ba ema nebe imi hein atu simu fali, imi soi sa ida? Ema maksalak sira mos impresta, hodi hein atu simu fali nia folin. 35Maibé hadomi imi nia funubalun sira ba; halo diak no impresta hodi la hein atu simu fali buat ida. Nune’e imi nia kolen sei sai boot teb-tebes: imi sei sai Na’i aas liu hotu nia oan, basa Nia laran diak ba ema aat no ema laran aat sira.