23a Semana Tempu Komun: Segunda-Feira, 07, fulan Setembru, 2026, September 7, 2026
Reflection on the WORD
Maluk sira mak Kristu Hadomi,
“Laran nakali ba Jesus” – Fiar: Escriba no Fariseu sira laran-nakali tebes ba Jesus tanba Jesus kura mane liman matek ida, iha loron Sábado. Medita kona-bá ne’e: “Ita iha orgulho foti-an nian ruma ne’ebé blokeia ita nia matan atu simu no hare Jesus nia laran sadia no laran luak domin nian? No ita konsiente kona-bá orgulho foti-an nian ne’ebé halo ita laran nakali ho Jesus bainhira Jesus la halo buat ne'ebé ita hakarak?”
Lk 6:6-11
6Iha loron Sabadu seluk, Nia tama iha sinagoga hodi hanorin. Iha neba iha ema ida ho liman los mate. 7Eskriba no fariseu sira hateke hela ba Nia atu hare Nia sei fo isin diak iha loron Sabadu ka lae, atu nune’e sira bele hetan lia ruma hasouru Nia. 8Maibé, tan hatene ona sira nia hanoin, Nia dehan ba ema liman los mate ne’e: “Hamriik ba, mai iha klaran!” Nia mai hamriik duni. 9Tuir mai Jesus dehan ba sira: “Ha’u husu imi: iha loron Sabadu, bele halo halo diak eh halo aat, soi ema nia moris ka halo aat nia?” 10Hafoin, hateke hale’u ba sira hotu, Nia dehan ba ema ne’e: “Lolo o nia liman ba!” Nia lolo duni, nia liman sai diak fali. 11Sira laran nakali, hodi koalia ba malu atu halo oin sa los ho Jesus.
Today's Pointers on God's Word
As you read the passage what words, phases or meanings caught your attention?
- Iha Evangelho São Lucas loron ohin nian, ita-nia atensaun foku ba Jesus nia ministériu kura nian. Jesus hanorin ita katak hatudu kumpaixaun ba ema ne'ebé sofre no iha moras mak importan liu duké observa rituál Sábadu nian.
- Karik ita la sensibel ba ema seluk nia sofrimentu no haketak ita-nia prátika relijioza husi sira, to’o ita-nia rituál halo ofrenda ba Maromak sai mamuk no la iha sentidu ida.
-
Matan delek no rigidés husi Eskriba no Fariseu sira iha prátika iha sira-nia rituál relijiozu nian sira halo sira sai ema ipókrita ne'ebé la iha fuan. Mai ita harohan atu ita bele sai ema ne'ebé iha kumpaixan liu ba ema ne'ebé sofre iha ita-nia mundu.