22a Semana Tempu Komun: Quarta-feira, 02, fulan Setembru, 2026, September 2, 2026

Reflection on the WORD

Maluk sira mak Kristu Hadomi,

“Jesus nia Domin kompaisivo”: Jesus kura Simón Pedro nia banin-feto no ema barak ne'ebé sofre husi moras oioin no ho demôinio iha laran. Reflete; “Jesus nia Domin no kompaisaun sadia nian mós sei kura ita husi ita-nia moras sira, Nia sei mos haforsa ita iha ita-nia frakeza, se ita-nia fiar, ita nia esperansa no ita nia domin ba Nia kle’an, puru no haraik-an, hanesan Simón Pedro nian.”

Lk 4:38-42a

38Husik tiha sinagoga, Jesus ba Simao nia uma. Simao nia banin feto moras boot, isin manas. Sira husu Jesus atu tulun nia. 39Hakru’uk tiha ba nia, Jesus duni sai isin manas, nebe sai kedas housi nia. Hafoin nia hamriik hodi serbi sira.

40Wainhira loron atu monu ona, sira hotu nebe iha ema ho moras oi-oin lori sira ba Jesus. Nia tula liman ba sira ida-ida, hodi fo isin diak ba sira. 41Diabu sira sai housi ema barak, hodi hakilar  dehan: “O Maromak nia Oan Mane!” Maibé Nia haruka hodi la husik sira koalia, basa sira hatene katak Nia mak Kristu. 42Iha dadersan, Nia sai hodi la’o ba fatin fuik ida. Ema lubun boot buka Nia.

Today's Pointers on God's Word

As you read the passage what words, phases or meanings caught your attention?

  • Migistériu no orasaun – Jesus hatudu mai ita liu hosi Nia ezemplu sira, importánsia ne'ebé hanesan ka iha balansiu entre vida orasaun no vida serbisu apostóliku nian. 
  • Maibé, ita dala ruma enfrenta tentasaun atu enfatiza ida liu fali moris ida seluk? 
  • Iha ita-nia moris ne'ebé okupadu los, dalaruma ita prefere sakrifika tia ita nia vida oração los ka la’e? Ka karik mos Ita-nia intensaun no deseju sira ne’ebé diak ne’e ita expressa ka hatudu de'it iha orasaun no la'ós iha hahalok sira?