DGEMs

Maluk sira mak Kristu Hadomi,

“Jesus nia Autoridade Divina”: Jesus ohin hanorin ho kbi’it no autoridade divina nian ne'ebé atrai tebes ema lubun bo’ot sira nia laran. Nia mos duni sai diabu no espírito fo'er sira husi mane ida ne'ebé diabu hela iha nia laran, hodi halo ema lubun bo’ot hirak ne’e hakfodak teb-tebes. Reflete; “Ita respeitu no afirma Jesus nia autoridade no kbi’it nu’udar Maromak iha ita-nia moris loron-loron ka la’e? ka ita la tau importância no falha atu valoriza Jesus ne’ebé lolos iha ita nia moris?

31Nia tun ba Kafarnaum, sidade ida Galileia nian. Nia hanorin sira iha loron Sabadu. 32Ema sira hakfodak ho nia doutrina, basa Nia ko’alia ho kbi’it. 

33Iha sinagoga laran, ema ida ho espiritu foer hakilar ho lia maka’as dehan: 34 “iha sa ida iha ami no O, Jesus Nazare? O mai atu halo aat ami? Ha’u hatene O se los: Maromak nia santu!” 35Nia si’ak ema ne’e dehan: “Nonok no sai tiha housi nia!” Soe tiha ema ne’e ba rai iha sira hotu nia oin, diabu sai housi nia, la halo aat ida ba nia. 36Sira hotu hakfodak no tauk, hodi hateten ba malu: “Liafuan ne’e sa los? Ho kbi’it no ukun, Nia haruka espiritu foer sira sai, no sira sai duni!” 37Jesus nia naran boot habelar iha fatin hot-hotu iha rai neba.