DGEMs

Maluk sira mak Kristu hadomi,

“Reasaun-Desizaun sira” – Fiar: Bainhira liurai Herodes hetan sedusaun maka'as husi Herodias nia oan-feto, nia ho beik jura atu fó ba nia buat hotu ne'ebé nia husu. Maibé, iha Herodias nia vingansa, nia husu atu tesi João Batista nia ulun. Reflete kona-ba, "Ita foti desizaun sira lahó deliberasaun klaru no disernimentu kona-ba Maromak nia hakarak no dalan sira?

22Wainhira Herodiade nia oan feto mai dansa,  nia fo ksolok boot ba Herodes ho nia maluk sira nebe tur iha meja. Tan ne'e, liurai dehan ba feto ne'e, “Husu buat naran deit nebe o hakarak, Ha’u sei fo ba o.” 23Nia dehan tan hodi jura, “Ha’u sei fo buat naran  deit  nebe o sei husu, maski ha’u nia reinu nia sorin balun ida.” 24Feto ne'e sai hodi husu nia inan, “Ha’u sei husu sa los?” Nia hatan, “Joao Baptista nia ulun.” 25Feto ne'e halai kedas ba liurai hodi hateten, “Ha’u hakarak katak ita boot fo mai ha’u, ohin kedas, Joao Baptista nia ulun iha bandeja ida.” 26Liurai laran susar teb-tebes tan nia juramento  no mos tamba nia maluk sira, nia lakohi la halo tuir nia. 27Nune’e, liurai haruka kedas soldadu ida atu  lori Joao nia ulun. Ema ne’e la’o ba hodi tesi Joao nia ulun iha dadur laran. 28Tuir mai, nia lori fali ulun ne'e iha bandeja ida nia laran hodi fo nia ba feto. Feto ne'e fo fali nia ba nia inan.