DGEMs

Maluk sira mak Kristu hadomi,

Vijilánsia iha Fiar”: Jesus haklaken ba Nia eskolante sira “Ai-knanoik kona-ba atendente kazamentu matenek sira” atu fó hanoin mai ita kona-ba ita-nia nesesidade atu moris ita-nia fiar ba evanjelhu salvasaun rohan-laek nian, ho vijilánsia no matenek. Reflete kle’an kona-ba, “Ita hakuak realidade katak ita ida-idak bele mate derrepente no iha tempu ne’ebé de’it?” "Ita foti Maromak nia Bensaun sira ba ita nia fiar no prezente moris nian hanesan buat baibain ida?"

Aiknanoik fetoran sanulu nian

1“Reinu lalehan nian sei hanesan fetoran sanulu nebe kaer tiha nia ahi oan hodi ba hasouru noivu. 2Sira na’in lima beik, na’in lima seluk matenek. 3Sira nebe beik lori sira nia ahi oan, maibe la lori mina; 4sira nebe matenek lori mos mina iha botil, hamutuk ho sira nia ahi oan. 5Noivu la mai lalais; sira matan dukur no toba ona. 6Maibe iha kalan fahe rua, ema hakilar: ‘Noivu mai ona, imi ba hasouru nia!’ 7Fetoran sira hotu hader hodi hadia sira nia ahi oan. 8Fetoran beik sira dehan ba matenek sira: ‘Fo imi nia mina uitoan mai ami, basa ami nia ahi oan atu mate dau-daun.’ 9Maibe matenek sira hatan: “Keta la to’o ba ami no ba imi, diak liu imi ba sira nebe fa’an hodi sosa ba imi nia an rasik.’ 10Wainhira sira ba sosa, noivu to’o mai, no sira nebe prontu ona tama hamutuk ho nia ba festa kaben nian, no ema taka tiha odamatan. 11Tuir mai, fetoran sira seluk mos to’o mai dehan: ‘Na’i, Na’i, loke odamatan mai ami!’ 12Maibe nia hatan: ‘Tebes, Ha’u dehan ba imi katak ha’u la hatene imi.’ 13Ne’e duni, imi matan moris neon na’in, basa imi la hatene loron ka oras.”