DGEMs

Maluk sira mak Kristu hadomi,

"Fiar no Domin ba Jesus": Pedro haklaken, "Ita-boot maka Kristu, Maromak Moris nia Oan-Mane." Pedro nia fiar ne’ebé kle’an, inspiradu-reveladu ba Jesus, lori Nia atu hatán, “Ha’u sei fó ba ó xave sira Reinu Lalehan . Saida de’it mak ó kesi no lakon iha rai, sei halo mós iha Lalehan. Reflete kona ba, “Jesus fó fiar mai ita ho responsabilidade tuir ita-nia fiar no domin ba Nia.

Pedro nia fiar

13To’o tiha rai Sesareia Filipe nian, Jesus husu ba nia eskolante sira: “Ema sira dehan Oan Mane ne’e se los?”  14Sira hatan; “Balun dehan katak Nia mak Joao Baptista, seluk katak Elias, seluk fali katak Jeremias ka profeta ruma.” 15Jesus dehan ba sira; “Imi fali? Imi dehan Ha’u se?” 16Simao Pedro simu hodi dehan: “Ita Boot mak Kristu, Maromak moris nia Oan.” 17Jesus hatan ba nia : “Ksolok ba o, Simao, Jonas nia oan, basa la’os isin ka ran mak hatudu buat ne’e ba o, maibe Ha’u nia Aman nebe iha lalehan. 18Ha’u dehan fali ba o, ‘O Pedro, no iha fatuk ne’e nia leten Ha’u sei harii Ha’u nia kreda; infernu nia odamatan sira sei la bele halo buat ida hasouru nia. 19Ha’u sei fo siabe reinu lalehan nian ba o; buat hotu nebe o futu iha rai, sei futu mos iha lalehan; no buat hotu nebe o kore iha rai, sei kore mos iha lalehan.’” 20Hafoin Nia haruka nia eskolante sira atu la bele dehan ba ema ida katak Nia mak Kristu.