DGEMs

Maluk sira mak Kristu hadomi,

“Maromak nu'udar buat ne'ebé la importante”: Jesus haklaken ba amlulik boot sira kona-ba “Reinu Lalehan nian”; no oinsá sira ne'ebé hetan konvite la hatudu interese, iha konvite ne'ebé hetan onra liu. Reflete kona-ba, “Ita foti Maromak hanesan buat baibain no nune’e, la valoriza nesesidade atu: reza, tuir Misa, ba Konfisaun; no presume katak ita sei kontinua simu Maromak nia Domin Mizerikórdiozu nian?”

Aiknanoik festa kasamento nian

1Jesus koalia fali ho aiknanoik hodi dehan ba sira: 2 “Reinu lalehan nian hanesan liurai ida nebe halo festa kaben ba nia oan mane. 3Nia haruka atan sira atu ba bolu konvidadu sira ba festa, maibe sira lakohi mai. 4Nia haruka tan atan sira seluk dehan: ‘Dehan ba konvidadu sira: Aihan prontu tiha ona, ha’u nia karau ho balada bokur sira oho tiha ona, buat hotu nahe tiha ona, mai festa kasamento.’ 5Maibe, hanesan lia la kona sira, ida ba tiha nia to’os, ida ba nia kontratu, 6sira seluk, kaer tiha atan sira, baku sira no oho sira. 7Liurai, laran nakali teb-tebes, haruka nia soldadu sira atu oho ema aat sira ne’e hodi sunu sira nia sidade. 8Hafoin nia dehan ba atan sira: ‘Festa kaben prontu ona, maibe konvidadu sira la soi. 9Ne’e duni, imi ba dalan sira hodi konvida ba festa kaben nian ema hotu nebe imi hetan.’ 10Atan sira sai duni ba dalan sira no halibur hamutuk ema hotu nebe sira hetan, diak no aat hodi halo fatin festa kaben nian nakonu ho bainaka. 11Wainhira liurai tama atu hare bainaka sira, nia hare ema ida nebe la hatais unuk festa nian. 12Nia dehan ba ema ne’e: ‘Belun, oin sa o tama iha ne’e la hatais festa kaben nian?’ Ema ne’e nonok hela. 13Tan ne’e, liurai dehan ba atan sira: ‘Imi kesi metin nia liman ho ain, soe nia ba nakukun iha liur, iha neba, ema sei tanis no ruun nehan’ 14Basa Na’i bolu ema barak, maibe hili deit uitoan.”