DGEMs

Maluk sira mak Kristu hadomi,

“Maromak nia domin mizerikórdiozu”–Fiar: Jesus haklaken “Ai-knanoik kona-ba Liurai nia laran luak” atu fó hanoin mai ita katak ita ida-idak simu ona Maromak nia domin mizerikórdiozu no perdaun; la haree ba ita-nia sala sira ne'ebé maka grave. Nune'e mós, ita hetan bolu atu sai ema laran diak ba ema seluk. Reflete kona-ba, "Ita justifika ita-nia falta de perdaun, tanba ita hetan kanek maka'as husi ema seluk, no ema ne'ebé ita hadomi?"

Evangelhu: Mt 18:23-25a,27-29a, 30b,32-35

23“Tan ne’e, reinu lalehan nian hanesan liurai ida nebe hakarak sisi tusan ba nia atan sira. 24Wainhira nia hahu sisi, sira lori mai ema ida nebe iha tusan osan rihun sanulu. 25Tan nia la iha buat ida hodi selu, liurai haruka fa’an tiha nia ho nia feen, nia oan sira ho nia rikusoi sira hotu atu selu nia tusan. 27Tan hanoin nia, atan ne’e nia na’i husik nia ba hodi kasu nia tusan. 28Wainhira atan ne’e sai housi neba, nia hetan nia maluk ida nebe debe nia osan oan atus ida. Kaer tiha maluk ne’e, nia buti metin nia kakorok dehan: ‘Selu o nia tusan ba!’ 29Nia maluk monu ain ba nia hodi harohan: ‘Pasiensia uitoan ho ha’u, ha’u sei fo fali buat hotu ba o.’ 30Maibe nia lakohi sadia nia hodi haruka maluk ne’e ba dadur laran to’o nia selu nia tusan hotu. 31Nia maluk atan sira seluk hare tiha buat ne’e, ho neon susar ba haktuir ba sira na’i buat hotu nebe mosu. 32Tuir mai, sira nia na’i haruka bolu nia hodi dehan ba nia: ‘Atan aat, ha’u kasu tiha o nia tusan tomak tan o husu ha’u; 33o la bele hanoin o nia maluk atan hanesan ha’u hanoin o?” 34Hafoin, hodi hirus, na’i fo nia ba dadur na’in sira to’o nia selu nia tusan hotu. 35Imi ida-ida la perdua ho laran imi nia maun alin karik, Ha’u Aman iha lalehan sei halo mos nune’e ba imi.”