DGEMs

Maluk sira mak Kristu hadomi,

"Labarik - Boot iha Maromak nia Reinu": Jesus haklaken katak labarik ida nia "boot" maka nia abilidade atu fiar, no nia abertura ho haraik-an. Bainhira ita halo sala; Maromak nia Domin ne'ebé nakonu ho Mizerikórdia hakarak atu "to'o" mai ita, no perdua ita. Reflete kona-ba, "Ita iha valór sira hanesan labarik nian kona-ba konfiansa no haraik-an atu permite Maromak; ka ita-nia orgullu impede Maromak atu perdua ita?"

1Iha oras neba, eskolante sira hakbesik ba Jesus hodi husu ba Nia: “Se mak boot liu iha reinu lalehan?” 2Nia bolu labarik ida, tau nia iha sira klaran 3hodi dehan ba sira: “Tebes, Ha’u dehan ba imi: imi la hakribi imi nia sala no sai hanesan labarik sira karik, imi sei la tama iha reinu lalehan. 4Ne’e duni, ema nebe haraik an hanesan labarik ne’e, nia mak boot liu iha reinu lalehan. 5Ema nebe simu labarik ida hanesan ne’e tan Ha’u nia naran, nia simu Ha’u. 

10“Keta hewai kiik oan sira ne’e ida, basa Ha’u dehan ba imi katak sira nia anju sira fihir nafatin Ha’u Aman lalehan nia futar oin. 

12“Imi hanoin oin sa? Ema ida iha karik bibi atus ida, sira ne’e ida lakon tiha, nia sei la husik sira sia nulu resin sia iha foho hodi buka ida nebe lakon? 13Tebes, Ha’u dehan ba imi katak hetan tiha bibi ne’e, nia sei haksolok ho ida ne’e liu fali ho sira sia nulu resin sia nebe la lakon. 14Nune’e imi nia Aman iha lalehan lakohi atu kiik oan sira ne’e ida lakon.”